ماراپاتتى الماتى قالاسى تجد باستىعىنىڭ مىندەتىن اتقارۋشى پولكوۆنيك ەرلان الىبەكوۆ تابىس ەتتى.

«ازاماتتىق قورعاۋ ورگاندارىنىڭ اتىنان سىزدەرگە ەرلىكتەرىڭىز ءۇشىن العىس ايتامىن. سىزدەر قىزدى قۇتقارىپ، وعان ەكىنشى ءومىر سىيلادىڭىزدار دەپ تە ايتۋعا دا بولادى. سىزدەردىڭ شەبەر ارەكەتتەرىڭىز بەن ازاماتتىق ۇستانىمدارىڭىزدىڭ ارقاسىندا جازاتايىم وقيعانىڭ بولۋىنا جول بەرىلمەدى. سىزگە جانە ۇجىمىڭىزعا سپورتتا جانە جاتتىقتىرۋشىلىق قىزمەتتە ۇلكەن تابىس تىلەيمىن. جالپى، قالا تۇرعىندارى مەن قوناقتارىنا جولدى قىسقارتپاۋعا جانە وسى كاسكادتاردىڭ استىنان وتپەۋىنە كەڭەس بەرەمىز.كاسكادتاردىڭ تايعاق بولۋىنا بايلانىستى ءقاۋىپتى بولىپ تابىلادى»، - دەپ ەرلان الىبەكوۆ اتاپ ءوتتى.

ەستەرىڭىزگە سالا كەتەيىك، 2023 جىلعى 2 ماۋسىم كۇنى ساعات 20:00 شاماسىندا بوكستان جاتتىقتىرۋشى سافين دانيار وقۋشىلار توبىمەن «شاحريستان» تك ايماعىنداعى ۇلكەن الماتى وزەنى ارناسىنىڭ بەتون (تۇراقتاندىرىلعان) جاعاسىندا جۇگىرىپ كەلە جاقتان. كەنەتتەن، الدا كەلە جاتقان توپ مۇشەلەرى دانياردى شاقىرىپ الىپ، سۋدى نۇسقادى. ول سۋ اعىنىنان بالانىڭ ەكى قولىن كوردى، بۇل13-14 جاس شاماسىنداعى قىز بالا ەدى.  بەلگىلى بولعانداي، ول سۋ توگەتىن ءتۇسىپ كەتىپ، ونى قاتتى اعىن تارتقان.  دانيار ومىرىنە ءقاۋىپ تونگەنىنە قاراماستان، ءبىر سەكۋندتا كىدىرمەي، وزەن ارناسىنا كومەككە جۇگىرىپ بارىپ، قىزدى قۇتقارىپ، ونى ءقاۋىپسىز جەرگە شىعارۋعا كومەكتەسكەن ەكى شاكىرتىنە بەردى.

«مەنىڭ سول اياعىمدى قاتتى اعىن تارتتى. وڭ اياعىما جانە بەتون تىرەگىنە سۇيەنىپ، سۋدان السىرەپ قالعان قىزدى بىردەن شىعارىپ الدىم. شاماسى، ول ۇزاق ۋاقىت بويى سۋدان شىعۋعا تىرىسقان، الايدا اعىندى جەڭە الماي، سۋ استىنا تۇسە باستاعان. قىز قۇربىسىمەن جانە قۇتقارۋعا كومەكتەسكەن ەرەسەكتەرمەن ءقاۋىپسىز جەرگە شىعارىلدى. وكىنىشكە وراي، مەن قىزدىڭ اتىن سۇراپ ۇلگەرمەدىم، ونى قاۋىپسىزدىگىنە كوز جەتكىزدىم، ءارى قاراي جاتتىقتىرۋشىلىق جۇمىسىمدى كەرەك بولدى. سۋعا باتىپ بارا جاتقان قىزدى بايقاعان شاكىرتتەر توبىنا العىس ايتقىم كەلەدى»، - دەيدى دانيار سافين.

الماتى قالاسىنىڭ توتەنشە جاعدايلار دەپارتامەنتى سۋداعى قاۋىپسىزدىك ەرەجەلەرىن ساقتاۋدى ۇسىنادى:

- بالالاردى قاراۋسىز قالدىرماڭىزدار؛

- «شومىلۋعا تىيىم سالىنادى» دەگەن بەلگىلەرى بار جەرلەردە شومىلۋعا بولمايدى؛

- قولايسىز اۋا-رايىندا جانە قاراڭعىدا شومىلۋعا بولمايدى؛

- جۇزە الماساڭىز، بەلدەن جوعارى سۋعا تۇسپەڭىز؛

- سۋبۇرقاقتاردا شومىلۋعا بولمايدى.

الماتى قالاسى تجد باسپا ءسوز قىزمەتى