اقتوبە وبلىسىنىڭ سارىساي – حرومتاۋ ارالىعىندا جۇك پويىزى 25 قويدى قاعىپ كەتتى، – دەپ حابارلايدى almaty-akshamy.kz Polisia.kz. سىلتەمە جاساپ.
وقيعا اقتوبە وبلىسىنىڭ سارىساي – حرومتاۋ ارالىعىندا بولعان. جۇك پويىزىنىڭ ءماشينيسى تەمىر جولداردا جانۋارلاردىڭ بولۋىنا بايلانىستى سوقتىعىسۋدى بولدىرماۋ ماقساتىندا شۇعىل تەجەۋدى قولداندى.
الايدا سوقتىعىسۋدىڭ الدىن الۋ مۇمكىن بولمادى، پويىز 25 قويدى قاعىپ كەتتى. ونىڭ 20-سى ءولدى. جوسپارلانباعان پويىز تۇراعى 10 مينۋتتى قۇرادى. وتكىزىلگەن ءىس-شارالاردىڭ ناتيجەسىندە قاندىاعاش ستانسياسىنداعى جەلىلىك پوليسيا ءبولىمىنىڭ قىزمەتكەرلەرى ءۇي جانۋارلارىنىڭ يەسىن انىقتادى. ول اقتوبە وبلىسىنىڭ 64 جاستاعى تۇرعىنى بولىپ شىقتى.
وعان قاتىستى ق ر اقبتك-نىڭ 559-بابىنىڭ 1-بولىگى بويىنشا اكىمشىلىك حاتتاما تولتىرىلىپ، 5 ايلىق ەسەپتىك كورسەتكىش مولشەرىندە ايىپپۇل سالىندى.
ەستەرىڭىزگە سالا كەتەيىك، جىل باسىنان بەرى كولىكتەگى پوليسيا دەپارتامەنتىنىڭ قىزمەت كورسەتۋ اۋماعىندا پويىزداردىڭ شۇعىل تەجەلۋىنىڭ 670 فاكتىسى تىركەلدى، ونىڭ ىشىندە ادامداردىڭ بولۋىنا بايلانىستى – 172، تەمىرجول توسەمىندە ءۇي جانۋارلارىنىڭ بولۋىمەن 386 فاكتى تىركەلگەن.