تجد الماتىلىقتارعا كوكتايعاق پەن تۇمان تۋرالى ەسكەرتتى

Cاق بولىڭىز، اسىرەسە جولدى كەسىپ وتكەندە، بوگدە زاتتارعا الاڭداماڭىز

«قازگيدرومەت» رمك مالىمەتىنشە، 17 قاراشادا الماتىدا تۇمان ءتۇسىپ، كوكتايعاق بولادى، دەپ حابارلايدى Almaty-akshamy.kz.

قالالىق توتەنشە جاعدايلار دەپارتامەنتى كولىك يەلەرى مەن جاياۋ جۇرگىنشىلەردى جولدا اسا ساقتىق پەن مۇقيات بولۋعا شاقىرادى.

ۆەدومستۆو كوكتايعاق كەزىندەگى ءتارتىپ ەرەجەلەرىن دە ەسكە سالدى:

- قار جاۋعان جانە كوكتايعاق كەزىندە كولىك قۇرالىن باسقارۋ مۇمكىندىگى كۇرت ناشارلايدى جانە جۇرگىزۋشىنىڭ كولىكتى باسقارۋدى جوعالتۋىنا جانە سونىڭ سالدارىنان جاياۋ جۇرگىنشىلەردى قاعىپ كەتۋى مۇمكىن؛

- كوشەلەردى كەسىپ ءوتۋ جول ءجۇرۋ ەرەجەلەرىمەن بەلگىلەنگەن جەرلەردە بولۋى كەرەك؛

- ساق بولىڭىز، اسىرەسە جولدى كەسىپ وتكەندە، بوگدە زاتتارعا (ۇيالى تەلەفونمەن سويلەسۋ) الاڭداماڭىز؛

- ءارقاشان الدىڭىزدا، ياعني اياعىڭىزدىڭ استىنا قاراڭىز؛

- اياق كيىمدى دۇرىس تاڭداۋعا نازار اۋدارۋ كەرەك. اياق كيىم سىرعانامايتىن ماتەريالدان جاسالعان تەگىس تاباندا بولماۋى كەرەك؛

- قولىڭىزدى قالتاڭىزعا سالماڭىز، بۇل مۇزدا تەپە-تەڭدىكتى ساقتاۋعا مۇمكىندىك بەرمەيدى؛

ەسىڭىزدە بولسىن، جاياۋ جۇرگىنشىلەر جولى، قوعامدىق كولىك ايالدامالارى، دۇكەندەرگە كىرە بەرىستەگى باسپالداقتار، ءتىپتى ءسىزدىڭ جەكە ءۇيىڭىزدىڭ پودەزى دە ادامداردىڭ ءجيى قۇلايتىن جەرى.

بۇعان دەيىن سينوپتيكتەر قازاقستاننىڭ الداعى ءۇش كۇندەگى اۋا رايى بولجامىن ۇسىنعان بولاتىن.