اتلانت مۇحيتىندا قۇردىمعا كەتكەن سۇڭگۋىر قايىقتىڭ بولشەكتەرى تابىلدى.
بورتىندا بولعان تۋريستەر قازا تاپقان. اقش جاعالاۋ كۇزەتى وسىلاي دەپ مالىمدەدى، دەپ حابارلايدى Almaty-akshamy.kz. ولاردىڭ دەنەسىن تابۋ قيىنعا سوعادى. سۋ تۇبىندەگى قولايسىز ورتا مۇنداي وپەراسيا جۇرگىزۋگە كەدەرگى تۋعىزدى. «تيتاننىڭ» كۇيرەۋىنە بايلانىستى ءتۇرلى پىكىر بار. «تيتانيك» جاتقان تەرەڭگە 33 مارتە سۇڭگىگەن دجەيمس كەمەرون تۋردى ۇيىمداستىرعان كومپانياعا بۇعان دەيىن ساياحاتتىڭ ءقاۋىپتى ەكەنىن ەسكەرتكەنىن مالىمدەدى، دەپ جازدى qazaqstan.tv.
«تيتانمەن» تەرەڭگە سۇڭگىگەن تۋريستەر ءتىرى تابىلار دەگەن ءۇمىت ءۇزىلدى. سۇڭگۋىر قايىقتى ىزدەۋگە بىرنەشە ەلدىڭ قۇتقارۋشىلارى قاتىسقان ەدى. ولار باتيسكافتى ونداعى وتتەگى قورى بىتپەي تۇرىپ تابۋ ءۇشىن 5 كۇن بويى 30 مىڭ شارشى شاقىرىمداي اۋماقتى ءسۇزىپ شىققان.
بۇگىن قاشىقتان باسقارىلاتىن ROV اپپاراتى تيتانيك جاتقان جەردەن شامامەن 488 مەتر قاشىقتىقتا شاعىن سۇڭگۇر قايىعىنىڭ ارتقى قاقپاسىن تاپتى، -دەدى اقش جاعالاۋ كۇزەتىنىڭ كونتر-ادميرالى دجون ماۋگەر.
باتيسكاف اپاتىنان فرانسۋز عالىمى، ۇلىبريتانيالىق ميللياردەر، پاكىستاندىق بيزنەسمەن مەن ونىڭ ۇلى، سونداي-اق مۇحيت استى ساياحاتىن ۇيىمداستىرعان كومپانيا باسشىسى قازا تاپتى. وسى «وۋشەنگەيتتىڭ» نەگىزىن قالاۋشى مارقۇم ستوكتون راشتىڭ جۇبايى 1912 جىلى «تيتانيك» كەمەسى اپاتىندا قازا تاپقان ەرلى-زايىپتىنىڭ شوپشەگى ەكەن. اتتاس فيلمدە دجەيمس كەمەرون ەكەۋىنىڭ ماحاببات حيكاياسىن بايانداعان ەدى.
قايعىلى وقيعا. «تيتانيك» تاعى 5 ادامنىڭ ءومىرىن جالمادى،-دەيدى نيۋ-يورك تۇرعىنىرەي گاي.
باتيسكاف ميسسياسى باستالعاننان كەيىن 1 ساعات 45 مينۋت وتكەندە ونىمەن بايلانىس ءۇزىلدى. اپپارات مۇحيتتاعى قىسىمعا شىداس بەرمەي، بىردەن جارىلىپ كەتسە كەرەك.
ءبىر سەكۋنتتا جوق بولدى. مەنىڭ ويىمشا، ەشكىم نە بولعانىن تۇسىنبەي دە قالدى، -دەيدى تەڭىز تەحنولوگياسى سۇڭگۋىر كولىكتەر كوميتەتىنىڭ ءتوراعاسى ۋيلل كونەن.
سۇڭگۋىر كولىكتىڭ تيتاننان جاسالعان كورپۋسى بەرىك ەمەس ءارى سۋ وتكىزۋى مۇمكىن ەكەنى بۇعان دەيىن ەسكەرتىلگەن. «تيتانيك» ءفيلمىنىڭ رەجيسسەرى دجەيمس كەمەروننىڭ ايتۋىنشا، اپپارات سەرتيفيكاتتاۋدان وتپەگەن.
سىناقتان ءوتىپ جاتقان كولىكتى تۋريستەردى تاسۋعا پايدالانعان دۇرىس ەمەس. «تيتانيك» پەن «تيتان» تراگەديالارى ەسكەرتۋلەرگە قۇلاق اسپاۋدان بولدى،-دەگەن پىكىرىن ءبىلدىردى كينورەجيسسەر دجەيمس كەمەرون.
الايدا مارقۇم ستوكتون راشپەن بىرگە «وۋشەنگەيت» كومپانياسىنىڭ نەگىزىن قالاعان ادام مۇنى جوققا شىعاردى.
وزگەلەر تيتان 14 جىل بويى قۇراستىرىلعانىن ەسكەرمەيدى. ناسا، بوينگپەن جۇمىس ىستەدىك. سوڭعى جىلدارى عىلىمي ەكسپەديسيالاردا قولدانىلدى، دەدى Oceangate كومپانياسىنىڭ نەگىزىن قالاۋشىگيلەرمو سونلەين.
ءبىراق سونلەين تەرەڭگە سۇڭگيتىن اپپاراتتارعا ارنالعان ەرەجەلەر جەتكىلىكسىز ەكەنىن مويىندادى. ونىڭ سوزىنشە، مۇحيت ءتۋريزمىن دۇرىس دامىتۋ ءۇشىن الدىمەن بۇل سالانى تەرەڭىرەك زەرتتەپ، سەرتيفيكاتتاۋ تالاپتارىن كۇشەيتۋ ماڭىزدى.