قاسيەتتى قۇربان ايت 28ء-شى ماۋسىمدا باستالىپ، 30-ىنا دەيىن جالعاسادى.
ماۋسىمنىڭ 27ء-سى «ارافا كۇنى» قاجىلار مەككەدەگى ارافات تاۋىندا قۇلشىلىق جاسايدى،دەپ حابارلايدى Almaty-akshamy.kz. قاجىلىققا بارا الماعان مۇسىلماندار ول كۇنى ورازا ۇستايدى. 28ء-ى كۇنى ايت نامازى تاڭعى ساعات 6-دا وقىلعاننان كەيىن، استانادا قۇرباندىق شالۋعا ارنالعان 5 بازار جۇمىس ىستەي باستايدى، دەپ جازدى 24.kz. ال قولى تيمەگەن نەمەسە ساپاردا جۇرگەندەر ءمۇفتياتتىڭ «قۇرباندىق-2023» دەگەن ارنايى سايتى ارقىلى ءدىني جورالعىنى ونلاين جاساي الادى.
- 06:30-دان باستاپ قۇرباندىق شالا بەرەدى كۇن باتقانشا. 28-29-30-ى قۇرباندىق شالىنادى. ودان كەيىن قۇرباندىقتىڭ ۋاقىتى بىتەدى. پايعامبارىمىزدىڭ باسقا ءبىر حاديسىندە بار. قۇرباندىق شالۋ كۇندەرى 3 كۇن. ءبىراق ەڭ ابزالى، قايىرلىسى - العاشقى كۇنى، -دەيدى «ازىرەت سۇلتان» مەشىتىنىڭ نايب يمامى جۇمانازار سادىرحانوۆ.