«تيتانيكتى» كورۋگە شىققاندار كەلمەسكە كەتتى

اقش-تىڭ جاعالاۋ كۇزەتى مۇحيت تۇبىندەگى «تيتانيكتى» تاماشالاۋعا شىققان تۋريستەر قازا تاپتى دەپ مالىمدەدى.

«تيتان» سۇڭگۋىرى تيەسىلى كومپانيا مەرت بولعانداردىڭ تۋعان-تۋىستارىنا كوڭىل ايتتى. ىزدەستىرۋ توبى اتلانت مۇحيتىندا 18 ماۋسىمدا جوعالىپ كەتكەن «تيتاننىڭ» كەيبىر بولشەكتەرىن تاۋىپ الدى، دەپ حابارلايدى Almaty-akshamy.kz.

بورتتاعى تۋريستەر ءتىرى قالعان جاعدايدا 96 ساعاتقا جەتەتىن وتتەگى بار ەدى، بەيسەنبىدە ول تاۋسىلدى. كەشە جاعالاۋ كۇزەتى سۋ استىندا بەلگىسىز ءدۇمپۋ بولعانىن تىركەگەن. ءقازىر ونىڭ انىق-قانىعى تەكسەرىلىپ جاتىر. اقش، كانادا، فرانسيانىڭ قۇتقارۋشىلارى وتكەن جەكسەنبىدە جوعالىپ كەتكەن «تيتاندى» 30 مىڭ شارشى شاقىرىم اۋماقتا ىزدەۋ جۇمىستارىن جۇرگىزدى. ءبىر ادامعا 250 مىڭ دوللار تۇراتىن تۋريستىك ساپار وسىلايشا قايعىلى اياقتالدى. سۇڭگۋىر بورتىندا بريتاندىق ميللياردەر، 19 جاستاعى ۇلىمەن بىرگە پاكىستاندىق كاسىپكەر، فرانسۋز زەرتتەۋشى جانە OceanGateء-تىڭ نەگىزىن قالاۋشى بولعان.

«قاراڭىز. ءسىز 5 جاستاعى بالاعا شاردى تەس دەيسىز، ول سەكۋندقا جەتپەي  جارىلادى. مۇحيتتىڭ استىندا دا وسىعان ۇقساس جاعداي بولدى. ءبىر سەكۋندتا جوق بولدى. ءدال سونداي جارىلىس، ءبىراق قاتتى قىسىممەن ىشىنە قاراي جارىلدى. مۇمكىن، 4 كۇن بويى قينالعانشا وسىلاي بولعانى دۇرىس تا شىعار. مەنىڭ ويىمشا، ەشكىم نە بولعانىن تۇسىنبەي دە قالدى»، - دەيدى تەڭىز تەحنولوگياسى سۇڭگۋىر كولىكتەر كوميتەتىنىڭ ءتوراعاسى ۋيلل كونەن.