ءتىس شىقىرلاتۋدى مەديسينادا «برۋكسيزم»دەپ اتايدى.
تەك بالادا عانا ەمەس، ءتىستى قايراۋ نەمەسە قىشىرلاتۋ ەرەسەكتەردە دە كەزدەسەتىن جاعداي. ادەتتە، حالىق اراسىندا ءتىستى قايراۋعا قاتىستى "دياگنوز" تارالىپ كەتكەن. ونى كوبىنە "ىشىندە قۇرتى بار" دەپ جاتادى.
مۇنىڭ قاتە ەكەنىن جانە قالاي ەمدەۋگە بولاتىنىن instagram جەلىسىندە تانىلعان ينتەگراتيۆتى دارىگەر-پەدياتر ايشولپان رامازان قىزى ءوز پاراقشاسىندا جازدى، دەپ حابارلايدى Almaty-akshamy.kz Ernur.kz-كە سىلتەمە جاساپ.
دارىگەردىڭ ايتۋىنشا، ءتىستى قايراۋ (قىشىرلاتۋ، قىتىرلاتۋ) ەشقانداي قۇرتتىڭ بەلگىسى ەمەس. بۇعان باستى سەبەپ - بالادا سترەستى جاعدايدىڭ ءوتىپ جاتقاندىعىن بىلدىرەتىن كورىنەدى. ال ەكىنشى ءبىر سەبەپ - بالانىڭ اعزاسىنداعى ماگنييدىڭ جەتىسپەۋشىگىلىن بىلدىرەدى. ايشولپان رامازان قىزى مۇنداي جاعدايدا نە ىستەۋ كەرەكتىگىن دە ايتتى. الدىمەن بالانى سترەستەن شىعارۋدا بارىنشا كومەك بەرىپ، كوبىرەك نازار اۋدارۋ قاجەت. سونداي-اق بالانى ماگنيي تۇزىنا شومىلدىرىپ، وعان ماگنيي پرەپاراتىن بەرۋ كەرەكتىگىن ۇسىندى دارىگەر.
«اعزاسىندا ماگنيي تاپشىلىعى بار بالالاردىڭ تۇنگى ۇيقىسى مازاسىز، اياقتىڭ قاقساۋى مەن اياقتىڭ اۋىرعانى ءجيى كەزدەسەدى. بالالاردا بۇلشىقەتتىڭ، سۇيەكتىڭ وسۋىنە، سترەستى جاعدايعا تۇسپەۋىنە ىقپال ەتەتىن جانە ەڭ پايدالى ءتۇرى - ماگنييدىڭ سيراتتى ءتۇرى»، - دەيدى دارىگەر.
ماگنييدى بالاعا قالاي بەرۋ كەرەك؟ ەم كۋرسى 2 اي. ماگنيي بالاعا ەم ماقساتىندا بەرىلسە 10مگ/كگ سالماققا ولشەپ دوزالايمىز. ماگنييدى بالانىڭ تۇنگى ۇيقىسى الدىندا بەرەمىز. ەگەر پروفيلاكتيكالىق ماقساتتا بەرىلسە، 5-6 مگ/ كگ سالماققا ولشەيمىز.
ەسكەرتۋ! ماگنيي سيترات فورماسى كەي بالالاردا ءىش جۇرگىزەدى. ءىشىن وتكىزەتىن بولسا، ماگنيدىڭ باسقا فورماسىن تاعايىندايسىز: مالات، گليسينات، ل-ترەونات (نەيروماگ) ماگنييدىڭ سيترات فورماسىن اشقارىنعا ىشپەگەن دۇرىس. اسقازاننىڭ شىرىشتى قاباتىن تىتىركەندىرۋى مۇمكىن. ماگنييدىڭ سيترات فورماسى اسقازان ىشەك جولدارىندا جاراسى بار بالالارعا بەرمەگەن دۇرىس!