بۇنداي جاقسى جاڭالىقتى جاپوندار اشىپ وتىر. كۇنشىعىس ەلىنىڭ Toregem Biopharma ستارتاپى الەمدە العاش رەت ءتىس وسىرەتىن ءدارى ازىرلەپ، ستاموتولوگيا سالاسىندا تۋرا ماعىناسىندا توڭكەرىس جاسادى دەسە بولادى.
اتالعان ءدارى سىناقتان ءساتتى وتكەن. بۇل جايىندا islam.kz پورتالىنا سىلتەمە جاساي وتىرىپ Almaty-akshamy.kz حابارلايدى.
وسىلايشا ءتىس ەمدەۋدە تەڭدەسى جوق ءارى اسا ءتيىمدى، مۇلدەم تىڭ ءادىس پايدا بولىپ وتىر. ءتىستىڭ ءوسۋىن تەجەيتىن اقۋىزداردى بوگەيتىن انتيدەنەلەرگە نەگىزدەلگەن Toregem Biopharma تەحنولوگياسى بويىنشا تىشقاندارعا جۇرگىزىلگەن سىناقتان ءساتتى وتكەن. كلينيكالىق سىناقتاردىڭ العاشقى كەزەڭى دەنى-قارنى ساۋ 30ەرەسەك ەر ادامعا جۇرگىزىلۋدە. بۇل سىناق ءدارىنىڭ قاۋىپسىزدىگى مەن تيىمدىلىگىن ءتۇسىنۋ جولىنداعى ماڭىزدى قادام رەتىندە العا شىقپاق. 2025 جىلعا جوسپارلانعان زەرتتەۋدىڭ ەكىنشى كەزەڭى ءتۋابىتتى انودونتياسى (ءتۋابىتتى كەسەل – ادام ءىشىنارا نەمەسە تولىق ءتىسسىز دۇنيەگە كەلەتەن، سيرەك كەزدەسەتىن دەرت.
ستاتيستيكالىق مالىمەتكە سايكەس انودونتيا اۋرۋىنان الەم حالقىنىڭ 0،1%-ى زارداپ شەگەدى) بار 2 جاستان 7 جاسقا دەيىنگى ناۋقاستاردى ەمدەۋدى قامتىماق. ياعني، وسى سىناقتاردان-اق اتالمىش ءدارىنىڭ قولدانىلۋى اياسىىڭ كەڭ بولاتىنىن بايقاي الامىز. Toregem Biopharma 2030 جىلعا قاراي نارىققا شىعىپ قالۋى مۇمكىن. بۇل جاڭالىق ءوز كەزەگىندە بۇكىل الەمدەگى مەديسينالىق قاۋىمداستىق پەن ەمدەلۋشىلەرگە ستوماتولوگيا مەن اۋىز قۋىسىنىڭ دەنساۋلىعىن بيىك بەلەسكە كوتەرەتىن وسى يننوۆاسيالىق تەحنولوگيانىڭ پايداسىن كورۋگە مۇمكىندىك بەرەدى.