ءىس-شاراعا الماتى قالاسىنىڭ اكىمى ەربولات دوسايەۆ، دەسانتتىق-شابۋىلداۋ اسكەرلەرىنىڭ قولباسشىسى – الماتى وڭىرلىك گارنيزونىنىڭ باستىعى گەنەرال-مايور الماز جۇماكەيەۆ، قارۋلى كۇشتەردىڭ ارداگەرلەرى جانە قالانىڭ بارلىق كۇش قۇرىلىمدارىنىڭ اسكەري قىزمەتشىلەرى قاتىستى، دەپ حابارلايدى Almaty-akshamy.kz قورعانىس مينيسترلىگىنە سىلتەمە جاساپ.
كوپتەگەن جىلدار بويى قارۋلى كۇشتەردىڭ اسكەري-وركەسترلىك قىزمەتىن باسقارعان قازاقستان رەسپۋبليكاسىنىڭ ەڭبەك سىڭىرگەن قايراتكەرى الەكساندر بەلياكوۆتىڭ جەتەكشىلىگىمەن ەسترادالىق-سيمفونيالىق وركەستر ءوز كومپوزيسيالارىمەن ونەر كورسەتتى.
ۇلتتىق اسكەري-پاتريوتتىق ورتالىعى فيليالى مۋزىكانتتارىنىڭ اسپاپتىق نومىرلەرى، 38ء-شى دەسانتتىق-شابۋىلداۋ بريگاداسىنىڭ ۆوكاليستەرى، مادينا ءسادۋاقاسوۆا جانە باسقا دا ارتىستەردىڭ ورىنداۋىنداعى اندەر كورەرمەننىڭ قوشەمەتىنە بولەندى.
ال IL canto كۆارتەتىنىڭ ورىنداۋىنداعى ءبىرىنشى قورعانىس ءمينيسترى، ۇلى وتان سوعىسىنىڭ ارداگەرى، حالىق قاھارمانى ساعادات قوجاحمەت ۇلى نۇرماعامبەتوۆتى ەسكە الۋعا ارنالعان "ساعادات" ءانىن زال تىك تۇرىپ تىڭدادى.