اتىراۋ وبلىسىنىڭ پروكۋراتۋراسى تابيعاتتى قورعاۋ سالاسىنداعى ءقاۋىپتى قالدىقتار اينالىمىن قاداعالاۋدى تۇراقتى تۇردە جۇزەگە اسىرادى.
بۇل قاداعالاۋ بارىسىندا «كاسپيي نەفت» اق-نىڭ 2021-2022 جىلدارى بۇرعىلاۋ جانە كەن ورنىن پايدالانۋ قىزمەتىندە قۇرالعان 4500 توننادان استام ءقاۋىپتى قالدىقتارعا جيناقتالۋ ءليميتىن الماعانى انىقتالدى.
پروكۋراتۋرانىڭ ۇسىنىسىن قاراۋ ناتيجەسىندە سوت «كاسپيي نەفت» اق-نى اكىمشىلىك قۇقىق بۇزۋشىلىق تۋرالى كودەكستىڭ 328-بابى بويىنشا اكىمشىلىك جاۋاپكەرشىلىككە تارتىپ، 13 684 868 730 تەڭگە ايىپپۇل سالدى.
ايتا كەتەيىك، KASE مالىمەتتەرى بويىنشا، «كاسپيي نەفت» اكسيالارىنىڭ 100 پايىزى تيمۋر قۇلىبايەۆتىڭ Joint Resources اق-نا تيەسىلى.