سپورتتىق گيمناستيكادان قازاقستان قورجىنىنا وليمپيادانىڭ تاريحي مەدالىن سالعان ناريمان قۇربانوۆ الداعى جوسپارلارى تۋرالى ايتتى، دەپ حابارلايدى aqshamnews.kz 1bol.kz سىلتەمە جاساپ.
سپورتشى ەندى وتباسىن قۇرماق. سۇيىكتىسىنە ءتورتجىلدىقتىڭ باس دوداسىندا ماقساتىنا قول جەتكىزىپ، شاڭىراق قۇراتىنىن ايتىپ ۋادە بەرگەن ەكەن.
«مەدالدى سەزىنىپ ۇلگەرگەن جوقپىن. ەلگە ورالىپ، سپورتتىق گيمناستيكاعا قاتىسى بار ادامداردىڭ قولداۋىن، قۇتتىقتاۋىن كورگەندە بارىپ تۇسىنەتىن شىعارمىن. ەڭ الدىمەن ۇيلەنەمىن. سۇيىكتىم ابدەن كۇتتى. ايداعا ءۇش جىلدان بەرى وليمپيادا ويىندارى اياقتالعان بويدا وتاۋ قۇرامىز دەپ ۋادە بەرىپ كەلدىم. بۇيىرتسا، سول ۋادەمدى ورىندايمىن»، - دەدى ناريمان.
قۇربانوۆ سپورتتىق كارەراسىن دا جالعاستىرماق، الداعى وليمپيادالىق سيكلدە التىنعا قول جەتكىزۋ مۇمكىندىگى جوعارى ەكەنىن دە قوسا كەتتى.
«مەنى الدا كۇتىپ تۇرعان كەلەسى وليمپيادالىق سيكل - 26 جاستان 30 جاسقا دەيىنگى ارالىق اتتا جۇمىس ىستەيتىن گيمناست ءۇشىن شىڭ سانالادى، سوندىقتان التىن مەدال الۋعا مۇمكىندىك جوعارى»، - دەدى ول.
سۇيىكتىسى - ايدا باۋىرجانوۆا دا وزىمەن بىرگە ونەر كورسەتىپ جۇرگەن گيمناست.