مەملەكەت باسشىسى «سامۇرىق-قازىنا» اكسيونەرلىك قوعامىنىڭ باسقارما ءتوراعاسى نۇرلان جاقىپوۆتى قابىلدادى

مەملەكەت باسشىسى «سامۇرىق-قازىنا» اكسيونەرلىك قوعامىنىڭ باسقارما ءتوراعاسى نۇرلان جاقىپوۆتى قابىلدادى، دەپ حابارلايدى aqshamnews.kz.

مەملەكەت باسشىسىنا نۇرلان جاقىپوۆ قوردىڭ بيىلعى ءبىرىنشى جارتىجىلدىقتاعى قىزمەتىنىڭ نەگىزگى قورىتىندىلارى جانە الداعى جۇمىستارىنىڭ جوسپارىن تانىستىردى.

– باستى وندىرىستىك كورسەتكىشتەر جوسپارعا سايكەس اتقارىلىپ وتىر؛

– قوردىڭ كىرىسى 7،9 تريلليون تەڭگەنى قۇرادى. بۇل بەلگىلەنگەن جوسپاردان 7 پايىزعا ارتىق؛

– قور تىكەلەي شەتەلدىك ينۆەستيسيانىڭ كاتاليزاتورىنا اينالدى.

سونىمەن قاتار مۇناي-گاز حيمياسى، ەنەرگەتيكا، كولىك جانە لوگيستيكا، ماشينا جاساۋ، سيفرلاندىرۋ سالالارىنداعى جوبالارعا شەتەلدىك سەرىكتەستەرىمەن بىرلەسىپ ينۆەستيسيا قۇيادى؛ 

«سامۇرىق-قازىنا» توبىنىڭ ينۆەستيسيالىق پورتفەلىندە جالپى سوماسى 53،5 تريلليون تەڭگە بولاتىن 130-دان استام جوبا بار ەكەنىن باياندادى. مۇناي-گاز، مۇناي حيمياسى، ەنەرگەتيكا، لوگيستيكا سالالارىندا جانە تاۋ-كەن ونەركاسىبىندە جۇزەگە اسىرىلاتىن جوبالار ەل ەكونوميكاسىنا مۋلتيپليكاتيۆتى اسەر ەتەدى دەپ كۇتىلۋدە؛ 

قوردىڭ بيزنەستىڭ الەۋمەتتىك جاۋاپكەرشىلىگى اياسىنداعى قايىرىمدىلىق جوبالارى تۋرالى مالىمەت بەردى: – جىل سوڭىنا دەيىن ەلىمىزدە 40 وڭالتۋ ورتالىعىن اشۋ جوسپارلانىپ وتىر. 

مەملەكەت باسشىسى ينۆەستيسيالىق جانە الەۋمەتتىك جوبالاردى جۇزەگە اسىرۋ، سونداي-اق قور جۇمىسىن ودان ءارى جەتىلدىرۋ جونىندە ناقتى تاپسىرما بەردى.