قازاقستاندىق، الەمنىڭ 273-راكەتكاسى تيموفەي سكاتوۆ زادار (حورۆاتيا) چەللەندجەر ءتۋرنيرىن جەڭىسپەن باستادى.
قازاقستاندىق تەننيسشى العاشقى اينالىمدا الەمنىڭ 218-راكەتكاسى، اۋستريالىق دەننيس نوۆاككا قارسى كەلدى، دەپ حابارلايدىاAlmaty-akshamy.kz.
تارتىستى وتكەن ماچتا ءبىرىنشى پارتيادا تاي-برەيكتە سكاتوۆ باسىمدىق تانىتتى 7:6 (7:5).
كەرىسىنشە ەكىنشى سەتتە نوۆاك ءساتتى وينادى 7:6 (7:5). كەشە ءۇشىنشى پارتيادا ەسەپ 1:1 بولعان مەزەتتە ماچ كەيىنگە قالدىرىلدى.
بۇگىن جالعاسقان باسەكەدە تيموفەي قاتارىنان بەس گەيمدى ءوز ەسەبىنە جازدى — 6:1.
ءۇش ساعاتقا جۋىق سوزىلعان ويىندا سكاتوۆ 1 ەيسپەن بىرگە 12 برەيك-پوينتتىڭ تورتەۋىن پايدالاندى. نوۆاك 3 ەيس، 2 برەيكپەن (3 برەيك-پوينت) كوزگە ءتۇستى.
تيموفەي سكاتوۆ شيرەك فينالعا شىعۋ ءۇشىن رەيتينگىدە 247-ورىندا تۇرعان يتاليالىق الەسساندرو دجاننەسسيمەن تالاسادى.
يتاليالىق سپورتشى العاشقى اينالىمدا الەمنىڭ 107ء-ىنشى، وسى جارىستىڭ 2-راكەتكاسى، فرانسيالىق كورەنتەن مۋتەنى جولدان تايدىردى — 5:7، 6:2، 6:4.