مۇعالىمگە دە ايىپپۇل سالىنادى

كولەمى – 50 اەك (184 600 تەڭگە).

وقۋ-اعارتۋ ۆيسە-مينيسترى وسپان ەدىلدىڭ ايتۋىنشا، وقۋشىنى قورلاعان مۇعالىمدەرگە 200 مىڭ تەڭگەگە جۋىق ايىپپۇل سالىنادى، دەپ حابارلايدى Almaty-akshamy.kz

«ەلىمىزدە «پەداگوگ مارتەبەسى تۋرالى» زاڭ قابىلدانىپ، وندا ءاربىر ۇستازدىڭ مىندەتى مەن جاۋاپكەرشىلىگى ناقتى ايقىندالعان. پەداگوگيكالىق ادەپ نورمالارىن ءبىلۋ – ولاردىڭ كاسىبي شەبەرلىگىن، سونداي-اق ەڭبەك ءتارتىبىن باعالاۋ كريتەرييلەرىنىڭ ءبىرى. ءمۇعالىم ادەبىن بۇزۋ تارتىپتىك ارەكەت بولىپ تابىلادى، ول ءۇشىن تارتىپتىك جاۋاپكەرشىلىك كوزدەلگەن.اكىمشىلىك كودەكستە مۇنداي جاۋاپكەرشىلىك قاراستىرىلعان. ءمۇعالىمنىڭ وقۋشىلارعا پسيحولوگيالىق نەمەسە فيزيكالىق زيان كەلتىرگەنى راستالسا، ول ءۇشىن 50 اەك كولەمىندە ايىپپۇل سالىنادى»، دەدى ۆيسە-مينيستر.

ونىڭ ايتۋىنشا، مينيسترلىككە مۇعالىمدەرگە قاتىستى مۇنداي شاعىمدار ءجيى تۇسەدى.

ءاربىر ءوتىنىشتى ءبىلىم ساپاسى جونىندەگى كوميسسيا مۇقيات قارايدى. ءاربىر جاعدايدا قىزمەتتىك تەكسەرىس جۇرگىزىلىپ، شارالار قابىلدانادى. ءقازىر مۇعالىمدەر كونكۋرستىق نەگىزدە جۇمىسقا قابىلدانادى، وندا كوميسسيا ناقتى ۇمىتكەرگە ءمۇعالىم ەتيكاسىن بىلەتىن نە بىلمەيتىنى تۋرالى سۇراق قويادى، - دەدى وسپان ەدىل.