«جۇزدەگەن قازاق سول ستريمگە تەلمىرىپ، تيىن اۋدارىپ، ۋاقىت جوعالتىپ ءماز»، دەپ جازدى جۋرناليست اباي سەيفۋللا ۇلى فب پاراقشاسىنا.
ءجۋرناليستىڭ جازۋىنشا، رۋ جارىس وتكىزگەن تيكتوكەر قاي رۋ وكىلى كوپ اقشا سالسا، سونى تىزىمدە جوعارى كوتەرىپ قويادى ەكەن، دەپ حابارلايدى Almaty-akshamy.kz
«تاعى ءبىر تىكەلەي ەفير ۆيرتۋال ويىنى بار. اقشا اۋدارساڭ كولىك نومىرىنە سول وبلىستىڭ سەرياسىن قويىپ بەرەدى. 17، 09 دەگەندەي. الماتى كوبىرەك اقشا اۋدارسا، شىمكەنتتىڭ كولىگىن جارىپ جىبەرەدى. سوعان 100 مىڭداپ اقشا جۇمساعان ادامداردى كوردىم. جالپى ءبىزدىڭ ادامدار الاياققا الداندىم دەسە اياۋشىلىق تانىتا بەرمەيمىن، سەبەبى وزدەرى سۇرانىپ لوح (اۋدارماسى قالاي) بولىپ جۇرەدى. ساۋات اشۋعا جۇمسايتىن قارجىنى الاياقتىڭ قولىنا ءوزى اپارىپ بەرەدى. سەنىڭ تەگىڭ كەرەمەت دەسە اتىنان ءتۇسىپ ءوزى جاياۋ قالادى. بال اشتىرادى، ءتاۋىپ ارالايدى نەمەسە تىكەلەي ەفيردە وسىلاي ەگو قاناعاتتاندىرادى. ۇلتتىڭ كومپلەكسىن جويماسا، قيىن نارسە بۇل»، دەپ جازدى اباي سەيفۋللا ۇلى.