بىلتىر ولاردىڭ سانى 10 مىڭنان اسقان.
شىمكەنتتىڭ حايۋاناتتار باعىنداعى ەرەكشە جانۋاردىڭ ءبىرى، قۋىسمۇيىزدىلەر تۇقىمداسىنا جاتاتىن جابايى سيىر تولدەدى، دەپ حابارلايدى Almaty-akshamy.kz اتالعان زووباقتىڭ مالىمەتىنە سىلتەمە جاساپ.
«بۇل – الەمدەگى تاريحي جاعدايلاردىڭ ءبىرى. سەبەبى حح عاسىردىڭ ءبىرىنشى شيرەگىندە ەۋروپاداعى تابيعي جانە انتروپوگەندىك جاعدايلاردىڭ اسەرىنەن زۋبر سانى 30 باس قانا بولدى. سوڭعى ەسەپ بويىنشا، 2023 جىلى ولاردىڭ سانى 10 مىڭنان اسقان. ونىڭ 3 مىڭعا جۋىعى قورىقتار مەن زووساياباقتاردا تىرشىلىك ەتەدى»، - دەدى شىمكەنت مەملەكەتتىك حايۋاناتتار باعىنىڭ وكىلدەرى.
زۋبر – ەۋروپاداعى ەڭ ءىرى تۇياقتى جانۋار. ولاردىڭ دەنەسىنىڭ ۇزىندىعى 3،5 مەترگە دەيىن جەتەدى، ال بيىكتىگى 2 مەتردەن اسادى، سالماعى 1 تونناعا بارۋى مۇمكىن.
«ءقازىر زۋبر بۇزاۋىنىڭ جاعدايى جاقسى. ۆەتەرينارلىق دارىگەرلەر مەن بيولوگتاردىڭ كۇندەلىكتى باقىلاۋىندا. زووباق كورەرمەندەرىنە زۋبر بۇزاۋىن كورۋگە مۇمكىندىك بار. ول جاڭبىردى قاتتى ۇناتادى جانە شەڭبەر جاساپ اينالعاندى جاقسى كورەدى»، - دەدى حايۋاناتتار باعىنىڭ ماماندارى.
ءقازىر ولار زۋبردىڭ بۇزاۋىنا قوياتىن جاڭا ات ويلاستىرىپ جاتىر.