جىلۋ جەلىلەرىندەگى بەينەتىركەۋىش: نىسانداردى تەكسەرۋ كەزىندە جىلۋ ينسپەكسياسى ينجەنەرلەرىنىڭ جۇمىسىنداعى جاڭا ستاندارت
الماتى جىلۋ جەلىلەرى تۇتىنۋشىلارمەن ءوزارا ءىس-قيمىل كەزىندە جىلۋ ينسپەكسياسىنىڭ جۇمىسىن جاقسارتۋ ءۇشىن نىسانداردى تەكسەرۋ كەزىندە بەينەتىركەۋىشتەردى قولدانا باستادى. بۇل باستاما ينجەنەرلەر جۇمىسىنىڭ دالدىگى مەن تيىمدىلىگىن ارتتىرۋعا، سونداي-اق دەرەكتەردى جيناۋدى وڭتايلاندىرۋعا باعىتتالعان.
بەينە جەتونداردى ەنگىزۋ – بۇل كۇندەلىكتى جۇمىس بارىسىندا ۇدەرىستەردى سيفرلاندىرۋ مەن اشىقتىقتى ارتتىرۋعا جاسالعان قادام.
«كاسىپورنىمىزدا ينجەنەرلەردىڭ جۇمىس تيىمدىلىگى مەن اشىقتىعىن ارتتىرۋ ماقساتىندا بەينەتىركەۋىشتەر ەنگىزىلدى. بۇل قۇرىلعىلار نىسانداردى تەكسەرۋ كەزىندە جۇمىس بارىسىنداعى ماڭىزدى ساتتەردى تىركەپ، ورىندالعان تاپسىرمالاردى باقىلاۋعا، سونداي-اق كاسىپورىن ستاندارتتارىنىڭ ساقتالۋىن قاداعالاۋعا مۇمكىندىك بەرەدى»، – دەپ ءتۇسىندىردى جىلۋ ينسپەكسياسىنىڭ جەتەكشى مامانى.
بەينەتىركەۋىشتەر ينجەنەرلەرگە اقپاراتتى ناقتى ۋاقىت رەجيمىندە جەدەل بەرۋگە، دەرەكتەر ءارحيۆىن قۇرۋعا جانە ساپانى باقىلاۋعا كومەكتەسەدى. بۇل قۇرىلعىلار ىقتيمال ماسەلەلەردى انىقتاۋ مەن شتاتتان تىس جاعدايلاردىڭ الدىن الۋعا ارنالعان ماڭىزدى قۇرال بولماق.
«بۇل شەشىم ءوزىنىڭ تيىمدىلىگىن دالەلدەدى: بەينەتىركەۋىشتەر قىزمەت كورسەتۋ ساپاسىن ارتتىرىپ، قاتەلىكتەر ىقتيمالدىعىن تومەندەتەدى جانە داۋلى ماسەلەلەردى شەشۋگە كومەكتەسەدى. بەينەجازبا جاعدايدى وبەكتيۆتى تۇردە قاراۋعا جانە سىبايلاس جەمقورلىقتىڭ الدىن الادى»، – دەدى جىلۋ ينسپەكسياسىنىڭ باسشىسى مارجان بالبايەۆا.
كاسىپورىن وندىرىستىك پروسەستەردى وڭتايلاندىرۋ، قاۋىپسىزدىكتى ارتتىرۋ جانە قىزمەتكەرلەر مەن تۇتىنۋشىلار اراسىنداعى بايلانىستى جاقسارتۋ ءۇشىن زاماناۋي تەحنولوگيالاردى قولدانۋعا تىرىسادى. بەينەتىركەۋىشتەردى ەنگىزۋ – بۇل جوعارى ساپا ستاندارتىنا باعىتتالعان ءتيىمدى ءارى اشىق ءوندىرىس قۇرۋعا جاسالعان تاعى ءبىر قادام.
الجج اتاپ وتكەندەي، سيفرلىق تەحنولوگيا جىلۋ ينسپەكسياسى قىزمەتكەرلەرىنىڭ جۇمىس تيىمدىلىگىن ارتتىرىپ، جەمقورلىق تاۋەكەلدەرىن ازايتادى.