بايقاۋ جەڭىمپازدارى باعالى سىيلىقتارعا يە بولادى.
TikTok قىسقا بەينەروليكتەردى كورۋگە جانە جاساۋعا ارنالعان جەتەكشى پلاتفورما قازاقستان رەسپۋبليكاسى وقۋ-اعارتۋ مينيسترلىگىنىڭ قولداۋىمەن #قازاقستانمۇعالىمدەرى بايقاۋىن ىسكە قوسادى، دەپ حابارلايدى Almaty-akshamy.kz.
بايقاۋ اياسىندا ەلىمىزدىڭ تۇكپىر-تۇكپىرىنەن وقىتۋشىلار پلاتفورمادا ءوز ءپانى تۋرالى شىعارماشىلىق جانە تانىمدىق بەينەروليكتەر جاريالاۋعا شاقىرىلادى. بايقاۋ جەڭىمپازدارى باعالى سىيلىقتارعا يە بولادى — iPhone 13 PRO Max سمارتفوندارى.
«TikTok اۆتورلارىنىڭ قازاقستاندىق قاۋىمداستىعى تانىمدىق كونتەنتتىڭ كوپتەگەن اۆتورلارىن بىرىكتىرەدى جانە پلاتفورما قاراپايىم بەينەروليكتەر فورماتى ارقىلى ءوز پانىنە اۋديتوريانى شىن جۇرەكتەن قىزىقتىرۋعا مۇمكىندىك الاتىن مۇعالىمدەر مەن وقىتۋشىلار اراسىندا ەرەكشە تانىمال بولىپ وتىر. TikTok-تىڭ #قازاقستانمۇعالىمدەرى باستاماسى وقىتۋشىلارعا قارىم-قاتىناستىڭ جاڭا تاسىلدەرىن اشۋعا جانە اركىمگە تۇسىنىكتى بەينە فورماتتا ءوز ءپانى بويىنشا بىلىممەن بولىسۋگە مۇمكىندىك بەرەدى. جوبانىڭ رەسمي امباسسادورلارىTikTok-تا تانىمال مۇعالىمدەر بولادى: حيميك ۇلان ۇسەنوۆ @wannabeteacher، ماتەماتيك دانيار سەڭگىرباي @aks.dani جانە مۇعالىمدەر توبى @jump2mars»، - دەلىنگەن مينيسترلىك حابارلاماسىندا.
TikTok-تا ءوز جولىن ەندى باستاعان وقىتۋشىلار ءۇشىن ارنايى وقىتۋ ۆەبينارى وتكىزىلەدى، بۇل ولارعا TikTok-تىڭ بارلىق مۇمكىندىكتەرى تۋرالى بىلۋگە جانە قوعامداستىقتىڭ نازارىن اۋداراتىن جارقىن بەينەلەر جاساۋدى ۇيرەنۋگە كومەكتەسەدى.
بايقاۋعا قاتىسۋعا TikTok-تا اككاۋنت اشۋعا دايىن نەمەسە اككاۋنتى بار بارلىق مەكتەپ مۇعالىمدەرى شاقىرىلادى. بايقاۋ بارىسىندا 6 قازاننان 1 جەلتوقسانعا دەيىن پەداگوگتار ءوز ءپانىنىڭ تاقىرىبى بويىنشا تانىمدىق بەينەروليكتەر جاريالاۋى قاجەت. روليكتەردىڭ كەم دەگەندە 30 سەكۋندقا سوزىلۋى ماڭىزدى، ال ولاردى جاريالاۋ كەزىندە بايقاۋدىڭ #قازاقستانمۇعالىمدەرى حەشتەگى پايدالانىلۋى ءتيىس.
«ءبىزدىڭ ەلىمىزدە پاندىك ساباقتارىن، ءبىلىم مەن عىلىمدى ىلگەرىلەتۋ ءۇشىن الەۋمەتتىك جەلىلەر مەن بەينە پلاتفورمالاردى قولداناتىن كوپتەگەن پەداگوگتار بار. وسىنىڭ ارقاسىندا ونلاين-فورماتتا ەلدىڭ ءار تۇكپىرىنەن كەلگەن پايدالانۋشىلار جاڭا ءبىلىم الادى. TikTok جەتەكشى پلاتفورماسىنىڭ وكىلدەرى ءبىزدىڭ پەداگوگتاردىڭ باستامالارىن باعالاپ، قازاقستاندىق مۇعالىمدەر ءۇشىن كونكۋرستار ۇيىمداستىراتىنى قۋانتادى. بۇل TikTok الاڭىندا ءبىلىم بەرۋ كونتەنتىن بىرلەسىپ ىلگەرىلەتۋ ءۇشىن قوسىمشا ىنتالاندىرۋ بولادى»، - دەپ اتاپ ءوتتى وقۋ-اعارتۋ مينيسترلىگىنىڭ باسپا ءسوز حاتشىسى ءمولدىر ابدۋالييەۆا.
قۇرامىنا جوبانىڭ ەلشىلەرى، TikTok پلاتفورماسىنىڭ جانە وقۋ-اعارتۋ مينيسترلىگى كىرەتىن قازىلار القاسىنىڭ مۇشەلەرى قاتىسۋشىلاردى ءۇش نوميناسيا بويىنشا باعالايدى:
- ەڭ كرەاتيۆتى ءمۇعالىم. ماراپاتتى بەلگىلى ءبىر تاقىرىپتى قىسقاشا، تۇسىنىكتى جانە كرەاتيۆتى تۇسىندىرە العان اۆتور الادى. نوميناسيانى پلاتفورماداعى ەڭ كرەاتيۆتى مۇعالىمدەردىڭ ءبىرى - حيميا ءپانىنىڭ ءمۇعالىمى جانە ستۋدەنتتەردى ءوز پانىنە قالاي قىزىقتىرۋ كەرەكتىگىن جاقسى بىلەتىن انيمە جانكۇيەرى ۋلان ۇسەنوۆ @wannabeteacher ۇسىنادى.
- جاڭا ءمۇعالىم جەڭىس بايقاۋ كەزىندە جاڭا اككاۋنتى ەڭ كوپ قارالىمعا يە بولعان مۇعالىمگە بەرىلەدى. نوميناسيانىڭ امباسسادورى جاس ماتەماتيكا ءمۇعالىمى دانيار سەنگيرباي @aks.dani بولادى.
- ۇزدىك بەينەروليك. حەشتەگى بار بەينەروليگى بايقاۋ كەزىندە ەڭ كوپ قارالىمعا يە بولعان ءمۇعالىم جەڭىمپاز بولادى. نوميناسيانى @jump2mars جوباسى ۇسىنادى، ول قازاقستانداعى TikTok-تا تانىمدىق كونتەنتتى العاشقىلاردىڭ ءبىرى بولىپ تانىمال ەتە باستادى جانە ونىڭ روليكتەرى جۇزدەگەن مىڭ لايك جينايدى.
بايقاۋ جەڭىمپازدارى iPhone 13 PRO Max سمارتفوندارىن، سونداي-اق TikTok كونتەنت جازۋشىلارى رەتىندە دامۋىن جالعاستىرۋعا كومەكتەسەتىن دارىنداردى دامىتۋ باعدارلاماسىنا شاقىرۋ الادى.