نەسيەسىن جابا الماي جۇرگەن قازاقستاندىقتار سانى بەلگىلى بولدى

قارىزى بارلار سانى 1،5 ملن ادامنان استى.

نەسيەسىن تولەي الماي جۇرگەن قازاقستاندىقتاردىڭ سانى 1،5 ملن ادامنان استى. بۇل تۋرالى ءماجىلىستىڭ جالپى وتىرىسىندا دەپۋتات يۋريي لي ايتتى، دەپ حابارلايدى Almaty-akshamy.kz قازاقپاراتقا سىلتەمە جاساپ.

«ق ر قارجى نارىعىن رەتتەۋ جانە دامىتۋ اگەنتتىگىنىڭ مالىمەتىنە قاراعاندا، 2022 جىلدىڭ 1 شىلدەسىندەگى جاعداي بويىنشا ەكىنشى دەڭگەيلى بانكتەرگە، ميكروقارجى ۇيىمدارىنا جانە كوللەكتور اگەنتتىكتەرگە قاتىستى قارىزدى تولەمەۋ مەرزىمى 90 كۇننەن اسىپ كەتكەن بورىشكەرلەردىڭ سانى 1 520 000 ادام بولدى»، - دەدى يۋريي لي ءوزىنىڭ دەپۋتاتتىق ساۋالىن جاريالاۋ كەزىندە.

ونىڭ ايتۋىنشا، ميكروقارجى ۇيىمدارىنىڭ قارىز پورتفەلىندە نەسيە بويىنشا تولەنبەگەن مەرزىم 90 كۇننەن اسىپ كەتكەن بورىشكەرلەردىڭ سانى 38 پايىزدى قۇراپ وتىر. وسى ورايدا قارىز العان 555 مىڭ ادام تىركەلگەن.

«اتاپ ايتقاندا، قارىز العان 10 ادامنىڭ تورتەۋى نەسيەسىن وتەي الماي وتىر. ميكروقارجى ۇيىمدارىندا كرەديتىن تولەي الماي جۇرگەندەردىڭ ۇلەسى جالپى كرەديتورلار بويىنشا قارىز پورتفەلىندە 37 پايىزدى قۇرادى»، - دەدى دەپۋتات.