قازاقستاندا ازىق-تۇلىك تاۋارلارىنىڭ باعاسى ءبىر جىلدا بىردەن 20،8%-عا ءوستى - ستاتيستيكا.
تمد ەلدەرىنىڭ اراسىندا تامىزدا مولدوۆادا ازىق-تۇلىك تاۋارلارى باعاسىنىڭ ەڭ جوعارى جىلدىق ءوسۋى تىركەلدى. ۇشتىكتە ۋكراينا جانە قازاقستان دا بار. ءازىربايجان، بەلارۋس جانە قىرعىزستاندا باعانىڭ جىلدىق ءوسۋى 18،9%-دى، رەسەيدە 15،8%-دى ، ارمەنيادا 12،5%-دى قۇرادى، دەپ حابارلايدى Almaty-akshamy.kz.
وڭىرلىك بولىنىستە ماڭعىستاۋ، جەتىسۋ جانە اباي وبلىستارىنىڭ تۇرعىندارى باعانىڭ ءوسۋىن اي سايىنعى ديناميكادا قاتتى سەزىندى، ال باعانىڭ ەڭ از ءوسۋى استانادا (0،4% - عا) بايقالدى. جىلدىق ديناميكادا ازىق-تۇلىك تاۋارلارىنىڭ باعاسى ماڭعىستاۋ، اقتوبە جانە اقمولا وبلىستارىندا ءوستى.
جەمىستەر مەن كوكونىستەر ءبىر جىلدا 14،8%-عا، ءسۇت ونىمدەرىنىڭ باعاسى جىلدىق قارقىنمەن 24،6%-عا ءوستى. ەت جانە ەت ونىمدەرى جىلدىق قارقىنمەن 14،5%-عا قىمباتتادى. تامىز ايىنىڭ قورىتىندىسى بويىنشا نان جىلىنا 18،4%-عا، ۇن 41،4%-عا، ماكارون ونىمدەرى 35،7% -عا، جارما 32،7%-عا قىمباتتادى.