TikTok پلاتفورماسى مەن قازاقستاننىڭ «اتامەكەن» ۇلتتىق كاسىپكەرلەر پالاتاسى 2024 جىلى #قازاقستانداجاسالعان بايقاۋىن باستادى. بۇل باستاما جەرگىلىكتى كاسىپكەرلەردى بىرىكتىرىپ، وزدەرىنىڭ ىستەرى مەن ەلىمىز ءۇشىن ماڭىزدىلىعىن تانىتۋعا مۇمكىندىك بەردى، دەپ حابارلايدى aqshamnews.kz
رەسپۋبليكا اۋماعىنداعى كاسىپكەرلەر ءوز تاريحتارىمەن ءبولىسىپ، جوبالار تۋرالى ۆيدەولارىن بايقاۋ حەشتەگىنە سالىپ جاريالادى. بۇل ۆيدەولاردان ۇزدىكتەرى ءتورت نوميناسيا بويىنشا تاڭدالدى: «الەۋمەتتىك بيزنەس»، «ەكولوگيالىق كاسىپكەرلىك»، «جاستار كاسىپكەرلىگى» جانە «ءبىر اۋىل – ءبىر ءونىم». ءار نوميناسيانىڭ جەڭىمپازدارى قازاقستان ەكونوميكاسىنا قوسقان ۇلەسى ءۇشىن سىيلىق رەتىندە iPhone 16 Plus الادى. ەندى جەڭىمپاز كاسىپكەرلەرمەن جاقىنىراق تانىسايىق.
الەۋمەتتىك بيزنەس
«الەۋمەتتىك بيزنەس» نوميناسياسىندا جەڭىمپاز اتانعان ەكاتەرينا رۋففتىڭ جوباسى – «اماليا» ابيليتاسيالىق ورتالىعى، ول دامۋىندا قيىندىقتارى بار بالالارعا ارنالادى. ابيليتاسيا - بالالاردىڭ جاڭا داعدىلاردى مەڭگەرۋىنە جانە كۇندەلىكتى ومىرگە بەيىمدەلۋىنە كومەكتەسۋ. ورتالىق استانا، الماتى، قاراعاندى جانە قوستاناي قالالارىندا جۇمىس ىستەيدى. ەكاتەرينا ءوزىنىڭ ۆيدەولارىندا الەۋمەتتىك بيزنەستىڭ بالالاردىڭ الەۋەتىن اشۋعا، وز-وزىنە سەنىمدىلىك قالىپتاستىرۋعا جانە قوعامعا ءساتتى ينتەگراسيالانۋعا قالاي كومەكتەسەتىنىن كورسەتەدى.
ەكولوگيالىق كاسىپكەرلىك
«ەكولوگيالىق كاسىپكەرلىك» نوميناسياسىندا ماڭعىستاۋ وبلىسىنىڭ تۇرعىنى نۇركيا بەكنيازوۆا جەڭىسكە جەتتى. ول «ITprof سەرۆيس» كاسىپورنىنىڭ ديرەكتورى، كومپانيا قايتا وڭدەۋ ءۇشىن ەكىنشى رەتتىك شيكىزاتتى جيناۋ جانە سۇرىپتاۋمەن اينالىسادى. بۇل جوبا ەكولوگيانى ساقتاۋ مەن تۇراقتى بيزنەس شەشىمدەرىن ەنگىزۋگە باعىتتالعان. كاسىپورىن اكتاۋ قالاسىندا قوقىستاردى سۇرىپتاۋ جۇيەسىن العاشقىلاردىڭ ءبىرى بولىپ ەنگىزگەن. 8 جىل ىشىندە 10 000 توننادان استام ەكىنشى رەتتىك شيكىزات جينالىپ، قايتا وڭدەۋگە جىبەرىلدى.
جاستار كاسىپكەرلىگى
«جاستار كاسىپكەرلىگى» نوميناسياسىندا 23 جاستاعى جاڭاوزەن تۇرعىنى دۇيسەنعالي نۇرجان جەڭىسكە جەتتى. ونىڭ «Ozen Sabyn» مىلىن شىعارۋ جوباسى جەرگىلىكتى ءوندىرىستى دامىتۋعا باعىتتالعان. TikTok پلاتفورماسى ونىڭ برەندى مەن ءونىمىن تانىتۋعا، جاڭا كليەنتتەر تارتۋعا كومەكتەسۋدە. نۇرجان ءوز جوباسىنىڭ تانىمالدىلىعىن ارتتىرىپ قانا قويماي، باسقا جاستاردى دا ءوز بيزنەس باستامالارىن قۇرۋعا ىنتالاندىرادى.
اۋىلشارۋاشىلىق بيزنەس
«ءبىر اۋىل – ءبىر ءونىم» نوميناسياسىنىڭ جەڭىمپازى – شىعىس قازاقستان وبلىسىنداعى بىسترۋحا اۋىلىنىڭ تۇرعىنى پولينا تروەگلازوۆا. پولينا ومارتاشى. بۇل كاسىپتى جالعاۋشى ءتورتىنشى ۇرپاق. اتاسىنان العان تاجىريبەنى جالعاستىرۋدا. ونىڭ جوباسى اۋىلدىق بيزنەستى قولداۋعا جانە جەرگىلىكتى ونىمدەردى ىلگەرىلەتۋگە باعىتتالعان. پولينا تابيعي بال نەگىزىندە ەرەكشە ونىمدەر جاسايدى، ونىڭ ىشىندە كەدر جاڭعاعى مەن يتمۇرىن بار. بۇل ونىمدەر تەك ءدامدى عانا ەمەس، سونداي-اق پايدالى.
پولينا جوباسى اگروتۋريزمدى دامىتۋعا، ومارتاعا ەكسكۋرسيالار ۇيىمداستىرۋعا جانە بال ءوندىرۋ پروسەسىن كورسەتۋگە مۇمكىندىك بەرەدى. سونىمەن قاتار، ونىڭ جوباسى اۋىلدىق ايماقتاردا جاڭا جۇمىس ورىندارىن قۇرىپ، ەكونوميكالىق وسۋگە ىقپال ەتەدى.