الماتى وبلىسىنىڭ بۇرىنعى اكىمى اڭسار مۇساحانوۆ ومىردەن ءوتتى

مەملەكەت جانە قايراتكەرى، سەناتتىڭ ەكس-دەپۋتاتى، الماتى وبلىسىنىڭ بۇرىنعى اكىمى اڭسار مۇساحانوۆ ومىردەن ءوتتى.

قارالى حاباردى سەناتور جانبولات جورگەنبايەۆ الەۋمەتتىك جەلىدەگى پاراقشاسىندا جەتكىزدى، دەپ حابارلايدى aqshamnews.kz.

قوعام جانە مەملەكەت قايراتكەر، ارداقتى ازامات، اسىل دوس مۇساحانوۆ اڭسار تۇرسىنحان ۇلىنىڭ دۇنيەدەن وزۋىنا بايلانىستى قايعىلارىڭىزعا ورتاقتاسىپ، كوڭىل ايتامىن. وسىنداي اۋىر كۇندە قارالى كوڭىلدەرىڭىزگە جۇبانىش، قايىسقان قابىرعالارىڭىزعا مەدەت تىلەيمىن. اڭسار تۇرسىنحان ۇلى ەڭبەك جولىن اۋىلشارۋاشىلىعى سالاسىنان باستاپ، قازاقستان پارلامەنتى سەناتىنىڭ ەكس-دەپۋتاتى، قازاقستان پرەزيدەنتى اكىمشىلىگىنىڭ مەملەكەتتىك ينسپەكتورى، الماتى وبلىسىنىڭ اكىمى، جامبىل، قاراساي اۋداندارىنىڭ اكىمى لاۋازىمدارىن زور ابىرويمەن اتقارىپ، وبلىستىڭ، اۋداننىڭ قوعامدىق-ساياسي قىزمەتتەردىڭ ورتاسىندا ءجۇرىپ، جاۋاپتى قىزمەتتەردە حالىقتىڭ ريزاشىلىعىنا بولەنگەن ارداقتى جان ەدى. ومىردە بولمىسى بولەك، ۇستانىمى بەرىك زامانداسىمىزدىڭ ايتار اسىل ويلارى مەن حالقىنا بەرەر پايداسى مول ەدى. ومىرلىك جولىندا ادال ەڭبەك ەتىپ، ابىرويمەن وتكىزگەن، وڭ ىستەرىنىڭ جەمىسىن قالدىرعان ارداقتى ازاماتتىڭ جارقىن بەينەسى ءاردايىم جادىمىزدا. مارقۇمنىڭ جاساعان جاقسىلىقتارى ساۋاپتان جازىلسىن، جاتقان جەرى جايلى، توپىراعى تورقا بولسىن. ارتىندا قالعان ۇرپاقتارىنا جانە جاقىن تۋىس-باۋىرلارىنا ۇزاق ءومىر، اماندىق تىلەيمىن. جاراتقان ۇرپاعىنا ۇزاق عۇمىر ءناسىپ ەتسىن. اسىل ازاماتتىڭ يمانى سالامات بولسىن!، - دەپ جازدى سەناتور Facebook پاراقشاسىندا.

ايتا كەتەيىك، اڭسار مۇساحانوۆ 2011-2014 جىلدارى الماتى وبلىسىنىڭ اكىمى بولدى.