2025 جىلعى 1 قاڭتاردان باستاپ قازاقستاندا مەديسينالىق ۇيىمدار مەديسينالىق-الەۋمەتتىك ساراپتاماعا سىرتتاي پرواكتيۆتى فورماتتا جىبەرەتىن ازاماتتاردى كۋالاندىرۋ جونىندەگى تاۋەلسىز ساراپشىلار ينستيتۋتى ەنگىزىلدى.
تاۋەلسىز ساراپشىلار ينستيتۋتىن ەنگىزۋ دەنساۋلىق ساقتاۋ ۇيىمدارىنىڭ بەيىندى ماماندارىن مەديسينالىق-الەۋمەتتىك ساراپتاماعا تارتۋعا مۇمكىندىك بەرەدى، سونداي-اق ءماس قىزمەتىن كادرلارمەن قامتاماسىز ەتۋ ماسەلەلەرىن شەشۋگە ىقپال ەتەدى، سىبايلاس جەمقورلىق قۇقىق بۇزۋشىلىق تاۋەكەلدەرىن ازايتادى جانە مۇگەدەكتىكتى بەلگىلەۋ بويىنشا مەملەكەتتىك قىزمەت كورسەتۋ ساپاسىن ارتتىرادى، دەپ حابارلايدى aqshamnews.kz.
وسى ينستيتۋتتى ءتيىمدى ەنگىزۋ ماقساتىندا 2024 جىلعى قىركۇيەكتەن جەلتوقسانعا دەيىن پيلوتتىق رەجيمدە مەديسينالىق-الەۋمەتتىك ساراپتاماعا تاۋەلسىز ساراپشىلاردى تارتۋ تەتىگى سىنالدى. پيلوتتىق جوباعا 18 دارىگەر قاتىسىپ، ءماس-تىڭ 7 532 اكتىسى قارالدى.
پيلوتتىق جوبانىڭ ناتيجەلەرى بويىنشا قولدانىستاعى نورماتيۆتىك قۇقىقتىق اكتىلەرگە وزگەرىستەر مەن تولىقتىرۋلار ەنگىزىلدى.
قازىرگى ۋاقىتتا ق ر ەڭبەك جانە حالىقتى الەۋمەتتىك قورعاۋ مينيسترلىگىنىڭ الەۋمەتتىك قورعاۋ سالاسىنداعى رەتتەۋ جانە باقىلاۋ كوميتەتى مەديسينالىق-الەۋمەتتىك ساراپتامانىڭ تاۋەلسىز ساراپشىلارىنىڭ تىزىلىمىنە ەنگىزۋ ءۇشىن ۇمىتكەرلەردىڭ قۇجاتتارىن قابىلداۋدا. وتىنىشتەر الەۋمەتتىك قىزمەتتەر پورتالى (aleumet.egov.kz) ارقىلى بەرىلەدى، بۇل رەتتە ۇمىتكەرلەر دەربەس دەرەكتەردى جيناۋعا جانە وڭدەۋگە كەلىسىم بەرەدى.
بۇرىن حابارلانعانداي، بۇگىندە سىرتتاي كۋالاندىرۋ 30 نوزولوگيالىق نىسان بويىنشا جۇرگىزىلەدى. 2025 جىلدىڭ باسىنان بەرى وسى فورماتتا قازاقستاننىڭ بارلىق وڭىرلەرىنەن ماس-كە تۇسكەن 8،5 مىڭنان استام ءوتىنىم قارالدى.