ەلىمىزدە سپورتتىڭ 180 ءتۇرى قارجىلاندىرىلادى.
تۋريزم جانە سپورت ءمينيسترى ەرمەك مارجىقپايەۆتىڭ ايتۋىنشا، سپورتتىڭ بەلگىلى ءبىر تۇرلەرىن قارجىلاندىرۋداعى باسىمدىقتاردى قايتا قاراۋ جوسپارلانعان، دەپ حابارلايدى Almaty-akshamy.kz
"ءبىزدىڭ ەلىمىزدە 180-گە جۋىق ءتۇرى دامۋدا، ولاردىڭ بارلىعى بيۋدجەتتەن قارجىلاندىرىلادى. ولاردىڭ تەك 46-سى عانا حالىقارالىق وليمپيادا كوميتەتىنىڭ مويىنداۋىنا يە. ونىڭ ىشىندە، ءبىز 20 سپورت تۇرىنە قاتىسامىز، ال 5-8 ءتۇرى بويىنشا ماراپاتتار اكەلەمىز. بۇل رەتتە، "سپورت تۇرلەرىنە باسىمدىق بەرۋ تۋرالى" زاڭعا تۇزەتۋلەر ەنگىزەمىز. ەگەر وركەنيەتتى ەلدەردى الساق، رەسەيدە 31 سپورت ءتۇرى، گەرمانيادا – 15، نيدەرلاندىدا – 20، وزبەكستاندا 17 سپورت ءتۇرىن دامىتۋعا كوڭىل بولەدى. ءبىز سپورتتىڭ 50-گە جۋىق ءتۇرىن دامىتىپ جاتىرمىز، وعان قوسا-قارجىلاندىرۋ مەن دامۋدى الۋعا مىندەتتى ۇلتتىق سپورت تۇرلەرى بار”، - دەدى مينيستر.
ءمينيستردىڭ ايتۋىنشا، بۇل ماسەلە بىردەن شەشىلمەيدى. ازىرگە مينيسترلىكتە قانداي سپورت ءتۇرىن قارجىلاندىرۋ قىسقاراتىنى ناقتى جازىلماق.