ءماجىلىس دەپۋتاتى ايدوس سارىم قازاقستانداعى شەكارا زاستاۆالارىنىڭ قۇرىلىسىنا قاتىستى تۇيتكىلدى ماسەلەلەردى كوتەردى، دەپ حابارلايدى اlmaty-akshamy.kz.
– قازاقستان رەسپۋبليكاسىنىڭ اۋماقتىق قاۋىپسىزدىگىن قامتاماسىز ەتۋ ماقساتىندا 50 شەكارا زاستاۆاسىنىڭ قۇرىلىسى جوسپارلانعان بولاتىن. 2022 جىلى «كاپيتال كونستراكشن» ج ش س جانە «تولاعاي-2050» ج ش س مەردىگەرلەرىمەن جالپى سوماسى 53 894 ملن تەڭگەگە 20 شەكارا زاستاۆاسىنىڭ قۇرىلىسى بويىنشا جۇمىستاردى ساتىپ الۋعا تەندەر جاريالانىپ، كەلىسىم-شارتتار جاسالدى. جاسالعان كەلىسىم بويىنشا «TOLAGAI-2050» ج ش س 2023 جىلدىڭ 31 جەلتوقسانىنا دەيىن 40 350 ملن تەڭگە سوماسىنا 15 شەكارا زاستاۆاسىن سالۋى ءتيىس بولاتىن. الايدا، جوعارىدا اتالعان كەلىسىم بويىنشا مەرزىمدەردى ورەسكەل بۇزۋلار بار. سونىمەن قاتار، اتقارىلىپ جاتقان جۇمىستاردىڭ ساپاسىنا قاتىستى دا شاعىمدار بار»، – دەدى ايدوس سارىم ءماجىلىستىڭ جالپى وتىرىسىندا جولداعان دەپۋتاتتىق ساۋالىندا.
دەپۋتاتتىڭ قولىندا بار مالىمەتكە سۇيەنسەك، اعىمداعى جىلدىڭ 1 قازانىنداعى جاعداي بويىنشا «تولاگاي-2050» ج ش س بار بولعانى 13 960 ميلليون تەڭگەنى نەمەسە جالپى كەلىسىم-شارت سوماسىنىڭ 35 پايىزىن يگەرگەن. اتالعان نىساندار بويىنشا «TOLAGAI-2050» ج ش س كەلىسىمشارت مەرزىمىن تاعى 9 ايعا ۇزارتۋدى سۇرايدى، بۇل جوبا قۇنىنىڭ ايتارلىقتاي وسۋىنە اكەلۋى مۇمكىن.
– الماتى قالاسى مەن پاۆلودار وبلىسىنداعى يرريگاسيالىق جەلىلەردى قايتا جاڭعىرتۋ، سايرام سۋ قويماسىن مەحانيكالىق تازالاۋ جانە ت.ب. جوبالاردا «TOLAGAI-2050» ج ش س كومپانياسىنىڭ اتاۋى ءبىر ەمەس، بىرنەشە رەت جاعىمسىز تۇردە جاريالاندى. كومپانيا 80-نەن استام ازاماتتىق جانە اكىمشىلىك ءىس جۇرگىزۋگە قاتىستى، ونىڭ 10-نان استامى 2023 جىلى بولعان، سونىڭ ىشىندە مەملەكەتتىك ساتىپ الۋدىڭ جوسىقسىز قاتىسۋشىسى دەپ تانۋ. بۇل رەتتە، اتالعان جوبانىڭ تاپسىرىسشىسى بولىپ تابىلاتىن قازاقستان رەسپۋبليكاسى كولىك مينيسترلىگىنىڭ اۆتوموبيل جولدارى كوميتەتى بۇعان تولىق زاڭدى نەگىزگە يە بولا وتىرىپ، ءالى كۇنگە دەيىن كەلىسىمشارتتى بۇزۋ تۋرالى شەشىم قابىلداعان جوق، - دەپ اتاپ ءوتتى ءماجىلىس دەپۋتاتى.
ول قازاقستان رەسپۋبليكاسى ازاماتتىق كودەكسىنىڭ 627-بابىندا: «ەگەر مەردىگەر شارتتى ورىنداۋعا ۋاقتىلى كىرىسپەسە نەمەسە جۇمىستى مەرزىمىندە اياقتاۋ انىق مۇمكىن بولمايتىنداي باياۋ ورىنداسا، تاپسىرىس بەرۋشىنىڭ شارتتان باس تارتۋعا جانە زالالداردى وتەۋدى تالاپ ەتۋگە قۇقىلى.
– 2022 جىلدىڭ 3 اقپانىنا دەيىن بۇل كومپانيانىڭ قۇرىلتايشىلارىنىڭ تىزىمىندە ءقازىر قايتىس بولعان بولات نازاربايەۆتىڭ قىزى نازاربايەۆا اقبوتا بولعانىن ايتا كەتەيىك. شەكارا زاستاۆالارىن سالۋ ەلىمىزدىڭ اۋماقتىق قورعانىسىن قامتاماسىز ەتۋدىڭ نەگىزگى بولىكتەرىنىڭ ءبىرى ەكەنىن ەرەكشە اتاپ وتكىمىز كەلەدى. قۇرىلىس مەرزىمىن ساقتاماۋ ەلدىڭ اۋماقتىق تۇتاستىعىن بۇزۋ، ەسىرتكى جانە باسقا دا تىيىم سالىنعان ونىمدەردىڭ زاڭسىز اينالىمى، جەكە تۇلعالاردىڭ قازاقستان رەسپۋبليكاسىنىڭ اۋماعىنا زاڭسىز ءوتۋى ءقاۋپىنىڭ ارتۋىنا اكەلۋى مۇمكىن. وسىعان بايلانىستى، اتالعان جوبا بويىنشا «TOLAGAI-2050» جشس-نە تەكسەرۋ جۇرگىزىپ، قازاقستان رەسپۋبليكاسىنىڭ قولدانىستاعى زاڭناماسىنا سايكەس قاجەتتى شارالاردى قابىلداۋىڭىزدى سۇرايمىز، - دەدى ا.سارىم.