قوستاناي وبلىسىنىڭ پوليسەيلەرى جالعان حابار بەرگەن ماس تۇرعىندى انىقتادى
قوستاناي وبلىسىنىڭ پوليسەيلەرى ۇيىندە كىسى ءولتىرۋ بولدى دەپ جالعان حابار بەرگەن ماس تۇرعىندى انىقتادى، – دەپ حابارلايدى Polisia.kz.
12 جەلتوقساندا اۋليەكول اۋداندىق پوليسيا ءبولىمىنىڭ كەزەكشى بولىمىنە ەر ادام قوڭىراۋ شالىپ، ونىڭ ۇيىندە كىسى ءولتىرۋ بولعانىن حابارلادى.
پوليسەيلەر مەكەنجاي بويىنشا كەلگەن كەزدە بۇل دەرەك راستالمادى. قىزمەتكەرلەرمەن قوڭىراۋ شالۋشى انىقتالدى. ول امانقاراعاي اۋىلىنىڭ 31 جاستاعى تۇرعىنى بولىپ شىقتى.
مەديسينالىق كۋالاندىرۋ ناتيجەلەرى بويىنشا ەر ادامدا الكوگولدىك ماساڭدىقتىڭ ورتاشا دارەجەسى انىقتالدى.
– ارنايى قىزمەتكە قاساقانا قوڭىراۋ شالعانى ءۇشىن ق ر اقبتك-نىڭ 438-بابى بويىنشا (ارناۋلى قىزمەتتەردى كورىنەۋ جالعان شاقىرۋ) بويىنشا اكىمشىلىك ءىس قوزعالدى. وعان 30 اەك مولشەرىندە ايىپپۇل سالىندى، – دەدى قوستاناي وبلىسى پد باستىعىنىڭ ءبىرىنشى ورىنباسارى الەكسەي ميليۋك.
وسى جىلدىڭ باسىنان باستاپ قوستاناي وبلىسى بويىنشا ارناۋلى قىزمەتتەردى جالعان شاقىرعانى ءۇشىن 330-دان استام ادام اكىمشىلىك جاۋاپكەرشىلىككە تارتىلدى.