ۇيىمداستىرۋشىلار ءبىر كۇننىڭ ىشىندە 1000-عا جۋىق قالا تۇرعىنىنا كومەكتەسكەن
الماتىدا قالالىق ءماسليحات دەپۋتاتى نۇرىمبەك تاۋ الاتاۋ اۋدانى اكىمدىگىمەن بىرلەسىپ قايىرىمدىلىق اكسياسىنا باستاماشى بولدى. ولار ازىق-تۇلىك سەبەتتەرىن دايىنداپ، مۇقتاج وتباسىلارعا تاراتتى، دەپ حابارلايدى Almaty-akshamy.kz Almaty.tv-گە سىلتەمە جاساپ.
ۇيىمداستىرۋشىلار ءبىر كۇننىڭ ىشىندە 1000-عا جۋىق قالا تۇرعىنىنا كومەكتەسكەن. ولار قازاقستاندىقتاردى يگى شارانى قولداپ، قايىرىمدىلىقپەن اينالىسۋعا شاقىرادى.
«وسى ءىستى بارلىعىمىز بىرلەسىپ قولعا الىپ جاتىرمىز. كومەكتەسىپ جاتقان حالىققا العىسىمىزدى بىلدىرەمىز. بۇگىننەن باستاپ وسى اۋدانداعى از قامتىلعان وتباسىلارعا ازىق-تۇلىك قورابىن تاراتۋدى باستادىق»، – دەدى ءماسليحات دەپۋتاتى نۇرىمبەك تاۋ.