ادەتتە تەرروريزم تاقىرىبىنداعى جالعان اقپاراتتار قوعامدا ۇرەي تۋعىزادى. "بىرەۋ ايتتى ەكەن" دەگەن سىبىس بۇكىل حالىقتى دۇرلىكتىرىپ، سالدارى قاۋىپتەن دە اۋىر بولۋى مۇمكىن، - دەپ حابارلايدى aqshamnews.kz ءتىلشىسى.
فەيك دەگەنىمىز نە؟
فەيك — شىندىققا جاناسپايتىن، ادەيى نەمەسە ابايسىز تاراتىلعان جالعان اقپارات. فەيكتىڭ ءقاۋپى نەدە؟
-
دۇربەلەڭ تۋعىزادى
ادامدار اراسىندا قورقىنىش پەن سەنىمسىزدىك قالىپتاسادى. مەكتەپتەر، بالاباقشالار بوساتىلادى، جۇمىس توقتاپ، قالالار قاڭىراپ قالۋى مۇمكىن. -
قوعامدى اداستىرادى
ءقاۋىپتىڭ ناقتى قايدان كەلگەنىن ءتۇسىنۋ قيىنعا سوعادى. بۇل ارنايى قىزمەتتەردىڭ جۇمىسىن دا قيىنداتادى — جالعان اقپاراتتىڭ ارتىنان جۇگىرىپ، شىنايى قاۋىپكە كەش جەتۋى مۇمكىن. -
لاڭكەستەرگە كومەكتەسىپ جىبەرۋ ءقاۋپى بار
ءيا، كەي فەيكتەر تەرروريستەردىڭ وزدەرىنە ءتيىمدى بولۋى مۇمكىن. سەبەبى قوعام دۇرلىكتى — دەمەك، ولار ماقساتىنا جەتتى.
فەيكتى قالاي اجىراتامىز؟
-
رەسمي دەرەككوزگە سۇيەنىڭىز: ءىىم، تجم، قالا اكىمدىگىنىڭ Telegram-ارنالارى مەن سايتتارىن تەكسەرىڭىز.
-
"بىرەۋ ايتتى" دەگەنگە سەنبەڭىز: اقپاراتتىڭ قايدان شىققانىنا ءمان بەرىڭىز.
-
سۋرەت پەن ۆيدەونى تەكسەرىڭىز: كەي كونتەنتتەر بۇرىننان بار، باسقا ەلدەگى وقيعا بولۋى مۇمكىن.
فەيك تاراتقاندارعا قانداي جاۋاپكەرشىلىك ارتىلادى؟
قازاقستان رەسپۋبليكاسىنىڭ زاڭناماسىنا سايكەس، جالعان اقپارات تاراتۋ — قىلمىستىق جاۋاپكەرشىلىككە اكەلەدى. ق ر قىلمىستىق كودەكسىنىڭ 274-بابىندا بۇل ناقتى كورسەتىلگەن:
"كورىنەۋ جالعان اقپارات تاراتۋ" – ايىپپۇل، قوعامدىق جۇمىس، ءتىپتى 3 جىلعا دەيىن باس بوستاندىعىنان ايىرۋ جازاسىنا سەبەپ بولۋى مۇمكىن.