بۇگىندە تەرروريزم الەم ەلدەرى ءۇشىن باستى قاتەرلەردىڭ ءبىرى بولىپ وتىر. قازاقستان دا بۇل قاۋىپپەن كۇرەسۋ ءۇشىن الدىن الۋ شارالارىن جۇرگىزۋدە.
Aqshamnews.kz تەرروريزمگە قارسى كۇرەس تەك مەملەكەتتىڭ عانا ەمەس، ءار ازاماتتىڭ دا ورتاق مىندەتى ەكەنىن ۇمىتپاعان ءجون ەكەنىن ەسكە سالادى.
ەندەشە، قاراپايىم ازامات رەتىندە نە ءبىلۋىمىز كەرەك؟
كۇدىكتى بەلگىلەردى تانىڭىز
كۇندەلىكتى ومىردە كەيبىر جاعدايلار ەرەكشە نازار اۋدارۋدى تالاپ ەتەدى. مىسالى:
• قوعامدىق ورىندا يەسىز قالعان سومكە، قوراپ نەمەسە باسقا دا زاتتار؛
• عيماراتتى، كولىكتى نەمەسە ادامداردى ۇزاق باقىلايتىن بەيتانىس ادام؛
• بەلگىسىز قۇرىلعىلار، سىمدار نەمەسە ەرەكشە ءيىس؛
• كۇدىكتى ارەكەت — اسىعىس ءجۇرىس، كوزدەن تاسا بولۋعا تىرىسۋ.
ەگەر وسىنداي بەلگىلەردى بايقاساڭىز — زاتقا جاقىنداماڭىز جانە دەرەۋ 102 نەمەسە 112 نومىرىنە حابارلاسىڭىز.
اقپاراتقا اباي بولىڭىز
تەرروريستىك ۇيىمدار ءوز ناسيحاتىن تاراتۋ ءۇشىن ينتەرنەت پەن الەۋمەتتىك جەلىلەردى ءجيى پايدالانادى. سول سەبەپتى:
• بەيتانىس ادامداردان كەلگەن سىلتەمەلەرگە وتپەڭىز؛
• شىن-وتىرىگى بەلگىسىز اقپاراتتى تاراتپاڭىز؛
• كۇماندى توپتار مەن ارنالارىنا جازىلماڭىز؛
• بالالارىڭىزدىڭ ينتەرنەتتەگى ارەكەتتەرىنە باقىلاۋ جاساڭىز.
قاۋىپسىزدىك ەرەجەلەرىن ەستە ساقتاڭىز
ساۋدا ورتالىعى، ۆوكزال، تەاتر سياقتى حالىق كوپ جينالاتىن جەرلەردە قاۋىپسىزدىك بەلگىلەرى مەن ەۆاكۋاسيالىق جولدارعا نازار اۋدارىڭىز. توتەنشە جاعداي بولعان كەزدە:
• سابىر ساقتاپ، دۇرلىكپەڭىز؛
• جاقىندارىڭىزدى ءقاۋىپسىز جەرگە الىپ شىعىڭىز؛
• ارنايى قىزمەتتەردىڭ نۇسقاۋىن بۇلجىتپاي ورىنداڭىز؛
• فوتو نەمەسە ۆيدەو تۇسىرۋگە ەمەس، قاۋىپسىزدىككە ءمان بەرىڭىز.
ەستە ساقتاڭىز!
كەز كەلگەن كۇماندى جاعدايدى بايقاساڭىز — 102 نەمەسە 112 نومىرىنە دەرەۋ حابارلاسىڭىز.
ءسىزدىڭ قىراعىلىعىڭىز — ءوزىڭىز بەن اينالاڭىزداعى ادامداردىڭ قاۋىپسىزدىگىن قامتاماسىز ەتۋدىڭ ماڭىزدى قادام