بۇدان بۇرىن حابارلاعانىمىزداي، سوت ارەكەتكە قابىلەتسىز دەپ تانىعان، سونداي-اق سوت ۇكىمى بويىنشا باس بوستاندىعىنان ايىرۋ ورىندارىندا جۇرگەن ازاماتتاردىڭ داۋىس بەرۋگە قۇقىعى جوق.
سايلاۋ پروسەسى ءوتىپ جاتقان ءۇي-جايلاردا ءتيىستى باقىلاۋ، كۇزەت جانە ءتيىستى قاداعالاۋ قامتاماسىز ەتىلدى، دەپ حابارلايدى Almaty-akshamy.kz
«قازاقستان رەسپۋبليكاسىنداعى سايلاۋ تۋرالى» كونستيتۋسيالىق زاڭعا سايكەس تەرگەۋ يزولياتورلارىندا ۇستالاتىن ۇكىمى زاڭدى كۇشىنە ەنبەگەن ازاماتتار بەلسەندى سايلاۋ قۇقىعىنا يە - دەپ ءتۇسىندىردى قىلمىستىق-اتقارۋ جۇيەسى كوميتەتىنىڭ باسپا ءسوز قىزمەتى.
ۆەدومستۆونىڭ مالىمەتىنشە، 16 تەرگەۋ يزولياتورىندا ولاردىڭ ورنالاسقان جەرى بويىنشا سايلاۋ وكرۋگتەرى رەتىندە جابىق ۋچاسكەلەر جابدىقتالعان.
سونىمەن قاتار، داۋىس بەرۋگە دايىندىق كەزەڭىندە تەرگەۋ يزولياتورلارىنىڭ اكىمشىلىگى رەسپۋبليكالىق رەفەرەندۋمعا شىعارىلاتىن تۇزەتۋلەر تۋرالى اقپاراتتىق جۇمىس جۇرگىزدى.