ونىڭ سەبەبى ۋاقىت بەلدەۋىنە بايلانىستى.
ەلدىڭ باسىم بولىگىندە رەفەرەندۋم ۋچاسكەلەرى ەلوردا ۋاقىتىمەن تاڭعى جەتىدە اشىلدى، دەپ حابارلايدى Almaty-akshamy.kz
بەس وڭىردە – اقتوبە، اتىراۋ، باتىس قازاقستان، ماڭعىستاۋ جانە قىزىلوردا وبلىستارىندا داۋىس بەرۋ جەرگىلىكتى ۋاقىتپەن تاڭعى ساعات 07.00-دە، ياعني ەلوردا ۋاقىتىمەن تاڭعى سەگىزدە باستالادى.
رەسپۋبليكا بويىنشا بارلىعى 10 012 رەفەرەندۋم ۋچاسكەسى قۇرىلدى. ال 52 شەت مەملەكەتتە 65 سايلاۋ ۋچاسكەسى جۇمىس ىستەيدى.
18 جاسقا تولعان قازاقستاندىقتار كەشكى 20.00-گە دەيىن داۋىس بەرە الادى. ازاماتتاردىڭ وزىمەن بىرگە جەكە كۋالىگى بولۋى كەرەك. كەشكى ساعات 20.00-دە رەفەرەندۋم ۋچاسكەلەرى جابىلادى.
«تاڭعى 07.00-دەگى جاعداي بويىنشا 12 وڭىردە 8 089 سايلاۋ ۋچاسكەسى جۇمىسىن باستادى. سونىمەن قاتار 10 شەت مەملەكەتتە قازاقستاننىڭ وكىلدىكتەرى جانىنان 12 ۋچاسكە اشىلدى. 36 ۋچاسكەدە اۋماقتىق كوميسسيالاردىڭ شەشىمىمەن داۋىس بەرۋ جەرگىلىكتى ۋاقىتپەن تاڭعى 06.00-دە باستالدى»، - دەدى ورتالىق سايلاۋ كوميسسياسى ءتوراعاسىنىڭ ورىنباسارى كونستانتين پەتروۆ.