رەفەرەندۋمدا داۋىس بەرگەن العاشقى قازاقستاندىق - توكيو قالاسىنداعى جاقىندا 18 جاسقا تولعان جاس سايلاۋشى اليجان سالييەۆ.
سىرتقى ىستەر مينيسترلىگىنىڭ مالىمەتىنشە، شەتەلدە العاشقى بولىپ جاپونيا مەن كورەيا رەسپۋبليكاسىنداعى داۋىس بەرۋ ۋچاسكەلەرى ءوز جۇمىسىن باستادى، - دەپ حابارلايدى Almaty-akshamy.kz
ۆەدومستۆو مالىمەتىنشە، جاپونيا مەن كورەيا رەسپۋبليكاسىندا تۇراتىن قازاقستان رەسپۋبليكاسىنىڭ ازاماتتارى ەلىمىزدىڭ كونستيتۋسياسىنا وزگەرىستەر مەن تولىقتىرۋلار ەنگىزۋ جونىندەگى جالپىۇلتتىق رەفەرەندۋمدا وزدەرىنىڭ داۋىس بەرۋ كونستيتۋسيالىق قۇقىعىن العاشقىلاردىڭ ءبىرى بولىپ پايدالاندى.
توكيو قالاسىنداعى №261 ۋچاسكە جەرگىلىكتى ۋاقىت بويىنشا تاڭعى ساعات 7-دە (نۇر-سۇلتان ۋاقىتى بويىنشا ساعات 4:00-دە) قازاقستان رەسپۋبليكاسىنىڭ ازاماتتارى ءۇشىن ءوز ەسىگىن اشتى. العاشقى مينۋتتاردان باستاپ قازاقستاندىقتار وزدەرىنىڭ «جاڭا قازاقستاندى» قۇرۋعا قاتىسۋعا ازاماتتىق قۇقىقتارىن ىسكە اسىرۋ ءۇشىن ايتارلىقتاي بەلسەندىلىك تانىتىپ جاتىر.
رەفەرەندۋمدا داۋىس بەرگەن العاشقى قازاقستاندىق - توكيو قالاسىنداعى جاقىندا 18 جاسقا تولعان جاس سايلاۋشى اليجان سالييەۆ. بۇل ونىڭ العاشقى سايلاۋى.
«مەن جاقىندا 18 جاسقا تولدىم جانە وسىنداي تاريحي وقيعاعا العاش رەت قاتىسۋ مەن ءۇشىن وتە قىزىقتى. وعان قوسا بۇل ۇلكەن جاۋاپكەرشىلىك، ويتكەنى مەنىڭ داۋىسىم دا كونستيتۋسيانى جاڭارتۋدا ەسكەرىلەتىن بولادى. مەن قازاقستاننىڭ جاپونيا سياقتى دامىعان ەلگە اينالعانىن قالايمىن»، - دەدى اليجان.
قازاقستاندىقتار توكيوعا جاپونيانىڭ ءار تۇكپىرىنەن، سونىڭ ىشىندە حيروسيما، وساكا جانە كيوتو سياقتى الىس پرەفەكتۋرالاردان دا داۋىس بەرۋگە كەلىپ جاتىر.