بۇل تۋرالى سەناتتىڭ جالپى وتىرىسىندا ىشكى ىستەر ءمينيسترى مارات احمەتجانوۆ مالىمدەدى، دەپ حابارلايدى اlmaty-akshamy.kz BAQ.KZ-كە سىلتەمە جاساپ.
قىلمىستىق-قۇقىقتىق تاجىريبە دە ەرەكشەلىك ەمەس، ويتكەنى ىشكى ىستەر ورگاندارى ەلدەگى بارلىق تەرگەۋ ىستەرىنىڭ 95 پايىزدى قۇرايدى. بۇل – وتە ۇلكەن كولەم. قىزمەتكەرلەرگە جۇكتەمەنى ازايتۋ ماقساتىندا تەرگەۋدىڭ ەلەكتروندىق فورماتى ەنگىزىلەدى. جىل قورىتىندىسى بويىنشا پوليسيا وسىنداي تارتىپپەن قىلمىستىق ىستەردىڭ 91 پايىزىن، 207 مىڭنىڭ 193 مىڭىن تەرگەدى. سونىمەن قاتار تەرگەۋ ارەكەتتەرىن بەينەتىركەۋ ءادىسى كەڭىنەن قولدانىلادى. بۇل رەتتە بەينەماتەريالدىڭ مازمۇنىن قايتالاي وتىرىپ، ەگجەي-تەگجەيلى حاتتاما جاسالادى، - دەپ اتاپ ءوتتى ۆەدومستۆو باسشىسى.
سونىمەن قاتار مينيستر بۇل ەسكىرگەن جانە بيۋروكراتيالىق تالاپتار دەپ وتىر.
وسىعان بايلانىستى، قىلمىستىق-پروسەسسۋالدىق كودەكسكە قىسقاشا حاتتاما جاساۋدى كوزدەيتىن تۇزەتۋلەر ەنگىزۋ ۇسىنىلادى. وندا تەحنيكالىق قۇرالداردى قولدانۋ، وتكىزۋ ۋاقىتى، سونداي-اق دەرەكتەردىڭ قىسقاشا مازمۇنى تۋرالى اقپاراتتى كورسەتۋ جەتكىلىكتى. بۇل ازاماتتاردىڭ كونستيتۋسيالىق قۇقىقتارىن قورعاۋ دەڭگەيىن ارتتىرۋعا، ۋاقىت پەن ەڭبەك رەسۋرستارىنا شىعىنداردى قىسقارتۋعا مۇمكىندىك بەرەدى، - دەدى مارات احمەتجانوۆ.
سەناتتىڭ جالپى وتىرىسىندا «قىلمىستىق سوت ءىسىن جۇرگىزۋ، جازا اتقارۋ سالاسىنداعى ادام قۇقىقتارى، سونداي-اق ازاپتاۋلاردىڭ جانە باسقا دا قاتىگەز، ادامگەرشىلىككە جاتپايتىن نەمەسە ار-نامىستى قورلايتىن ىس-ارەكەتتەردىڭ الدىن الۋ ماسەلەلەرى بويىنشا قازاقستان رەسپۋبليكاسىنىڭ كەيبىر زاڭنامالىق اكتىلەرىنە وزگەرىستەر مەن تولىقتىرۋلار ەنگىزۋ تۋرالى» زاڭ جوباسى تالقىلانىپ، ءبىرىنشى وقىلىمدا ماقۇلداندى.