قۇجات 14 ناۋرىزعا دەيىن تالقىلاۋ ءۇشىن اشىق نقا سايتىندا جاريالاندى.
قازاقستاندا بالىقتىڭ كەيبىر تۇرلەرىن ەكسپورتتاۋعا تىيىم سالىنۋى مۇمكىن، دەپ حابارلايدى Almaty-akshamy.kz
ق ر ەكولوگيا جانە تابيعي رەسۋرستار مينيسترلىگىنىڭ بالىق شارۋاشىلىعى كوميتەتى "وڭدەلمەگەن بالىقتىڭ جەكەلەگەن تۇرلەرىن قازاقستان رەسپۋبليكاسىنىڭ اۋماعىنان شىعارۋعا تىيىم سالۋدى ەنگىزۋ تۋرالى" بۇيرىق ازىرلەدى.
"جاڭا مۇزداتىلعان نەمەسە سالقىنداتىلعان بالىقتىڭ جەكەلەگەن تۇرلەرىن (جايىن جانە كوكسەركە) شىعارۋعا 6 اي مەرزىمگە تىيىم سالۋ ەنگىزىلسىن"، دەپ جازىلعان بۇيرىقتا.
ق ر ەكولوگيا جانە تابيعي رەسۋرستار مينيسترلىگىنىڭ تۇسىندىرۋىنشە، قايتا وڭدەلمەگەن بالىقتى ەكسپورتتاۋعا تىيىم سالۋ ماسەلەسى مەملەكەت باسشىسىنىڭ 2022 جىلعى 8 قاراشادا اتىراۋ وبلىسىنا جۇمىس ساپارى بارىسىندا بەرگەن تاپسىرماسىن ورىنداۋ ءۇشىن پىسىقتالدى.
ستاتيستيكا دەرەكتەرى بويىنشا، وڭدەلمەگەن بالىق ەكسپورتىنىڭ بارلىق كولەمىنەن ۇلەسى ( جىلىنا 22،5 مىڭ توننا) – 12،3 مىڭ توننا بولدى (55%).
"ءوز كەزەگىندە، 2022 جىلى بارلىق وڭدەۋ كاسىپورىنداردىڭ جالپى وندىرىستىك قۋاتى 31،2 مىڭ توننا بالىق قايتا وڭدەلدى، جىلىنا 142 مىڭ تونناعا جۋىق بولاتىن، ياعني جۇكتەمە 22% بولدى. كاسىپورىنداردىڭ جۇمىس ىستەمەۋنىڭ سەبەپتەرىنىڭ ءبىرى بالىق شيكىزاتىنىڭ جەتىسپەۋشىلىگى. وسى ماسەلە بويىنشا تەڭدەستىرىلگەن جانە ۇتىمدى شەشىم قابىلداۋ ءۇشىن ق ر ەترم بالىق شارۋاشىلىعى سۋبەكتىلەرىمەن، بيزنەس وكىلدەرىمەن جانە بارلىق مۇددەلى تاراپتارمەن شەكتەۋلەر ەنگىزۋ ماسەلەسىن تالقىلاۋ بويىنشا ءبىرقاتار كەڭەستەر وتكىزدى"، – دەپ ءتۇسىندىردى ۆەدومستۆو.
وسىعان بايلانىستى، تالقىلاۋ بارىسىندا ايتىلعان كاسىپكەرلىك سۋبەكتىلەرىنىڭ پىكىرلەرىن ەسكەرە وتىرىپ، باستاپقى كەزەڭدە 6 اي مەرزىمگە قازاقستان رەسپۋبليكاسىنىڭ اۋماعىنان ەكسپورتتاعى ۇلەسى 10% - دان از جاڭا مۇزداتىلعان (سالقىنداتىلعان) جانە مۇزداتىلعان بالىقتاردىڭ، جايىن مەن كوكسەركەنىڭ ەكسپورتىن شەكتەۋ ۇسىنىلادى.