تاجىريبەلەرىمەن ءبولىستى.
الماتىدا تەننيستەن ۇلتتىق جاتتىقتىرۋشىلار ۇيىمىنىڭ كەزەكتى كونفەرەنسياسى ءوتتى. بۇل جيىنعا الىس-جاقىن شەت مەملەكەتتەن 140-تان استام ءتاءلىمگەر قاتىستى، دەپ حابارلايدى Almaty-akshamy.kz Egemen.kz cىلتەمە جاساپ.
اتالعان ءىس-شارا بارىسىندا وسى سپورت ءتۇرىنىڭ باسى-قاسىندا جۇرگەن مايتالمان ماماندار قاتىسۋشىلارعا قۇندى اقىل-كەڭەس بەرىپ، وزدەرىنىڭ تاجىريبەسىمەن ءبولىستى. ماسەلەن، 76 جاستاعى يۆان مولينا كەزىندە كولۋمبيانىڭ ەڭ بەلدى تەننيسشىلەرىنىڭ ءبىرى بولدى. ول ارالاس جۇپ سايىسىندا 1974 جىلى ايگىلى مارتينا ناۆراتيلوۆامەن بىرگە رولان گارروستىڭ جەڭىمپازى اتانسا، 1977 جىلى فينالدا وينادى. كەيىننەن باپكەرلىك كاسىپتە باعى جانىپ، ءبىر شوعىر جۇلدىزدى تاربيەلەدى. مولينادان بولەك، باتىس جانە ورتالىق ازياداعى ITF دامىتۋ جونىندەگى مامان ءامىر بورەي، Team Kazakhstan اكادەمياسىنىڭ جاتتىقتىرۋشىسى سەرگەي كۆاك، قازاقستاننىڭ تانىمال تەننيسشىسى دياس دوسقارايەۆ جانە بەلارۋستان كەلگەن ساراپشى ناتاليا ۆەرينا ءسوز سويلەپ، قىزىقتى دەرەكتەرمەن ءبولىستى.