بۇل ەرەجە توتەنشە جاعدايدى جويۋ كەزىندە كومەك كورسەتۋگە مۇمكىندىك بەرەدى.
سەناتتىڭ جالپى وتىرىسىندا «قازاقستان ۇكىمەتى مەن وزبەكستان ۇكىمەتى اراسىنداعى توتەنشە جاعدايلاردىڭ الدىن الۋ جانە ولاردى جويۋ سالاسىنداعى ىنتىماقتاستىق تۋرالى كەلىسىمدى راتيفيكاسيالاۋ تۋرالى» زاڭ قابىلداندى، دەپ حابارلايدى Almaty-akshamy.kz قازاقپاراتقا سىلتەمە جاساپ.
اتالعان كەلىسىمگە 2021 جىلى 6 جەلتوقساندا ەلوردادا قول قويىلدى.
ق ر توتەنشە جاعدايلار ءمينيسترى يۋريي ءيليننىڭ ايتۋىنشا، بۇل قۇجات توتەنشە جاعدايدىڭ الدىن الۋ سالاسىندا قازاقستان مەن وزبەكستان ۇكىمەتتەرىنىڭ قۇزىرەتتى ورگاندارى ىنتىماقتاستىعىنىڭ قۇقىقتىق نەگىزدى بەلگىلەۋگە باعىتتالعان. تاراپتاردىڭ بىرەۋىنىڭ اۋماعىندا توتەنشە جاعداي بولعان كەزدە، بىرلەسكەن ءىس-قيمىلداردىڭ ارقاسىندا وسى كەلىسىم ەرەجەسى ىسكە اسىرىلماق.
اتالعان كەلىسىم تاجىريبە الماسۋعا، ءقاۋىپ بولعان جاعدايدا تۇرعىنداردى دايىنداۋعا، ەكى مەملەكەتتىڭ وقۋ ورىندارىندا ازاماتتىق قورعاۋ سالاسىندا مامانداردى وقىتۋعا، ءبىر ەلدىڭ اۋماعىندا بولعان توتەنشە جاعدايدى جويۋ كەزىندە كومەك كورسەتۋگە مۇمكىندىك بەرەدى.
«زاڭ جوباسىنىڭ كەرى اسەرى جوق. زاڭ جوباسىن قابىلداۋ اپاتتاردىڭ قاۋىپ-قاتەرىن تومەندەتۋگە جانە تاراپتاردىڭ اۋماعىندا تابيعي، تەحنوگەندى سيپاتتاعى توتەنشە جاعدايدىڭ سالدارىن ازايتۋعا مۇمكىندىك بەرەدى»، - دەدى مينيستر.