2023 جىلدىڭ جازىندا پيلوتتىق رەجيمدە ىسكە قوسىلۋى مۇمكىن.
پرەمەر-مينيستر ءاليحان سمايىلوۆتىڭ توراعالىعىمەن وتكەن تەحنولوگيالىق ساياسات جونىندەگى كەڭەستىڭ وتىرىسىندا وڭىرلەردى يننوۆاسيالىق دامىتۋ جانە ۇلتتىق يننوۆاسيالىق جۇيەنىڭ «ءبىرىڭعاي تەرەزەسىن» قۇرۋ ماسەلەلەرى قارالدى، دەپ حابارلايدى Almaty-akshamy.kz Baq.kz سىلتەمە جاساپ.
سيفرلىق دامۋ، يننوۆاسيالار جانە اەروعارىش ونەركاسىبى ءمينيسترى باعدات مۋسين وڭىرلەردىڭ تەحنولوگيالىق بەلسەندىلىگىن جانە ەكونوميكانى دامىتۋداعى IT-سەكتوردىڭ ۇلەسىن ارتتىرۋ ءۇشىن كۇش-جىگەردى وبلىستىق يننوۆاسيالىق الاڭدار مەن بيزنەس-ينكۋباتورلاردى قاجەتتى دەڭگەيدە قولداۋعا شوعىرلاندىرۋ جوسپارلانىپ وتىرعانىن باياندادى. بۇل، ادەتتە جۇمىس ورىندارىن جالعا الۋ، وقىتۋ جانە كەڭەس بەرۋ قىزمەتتەرىنە قاتىستى.
پرەمەر-مينيستر بۇل باعىتتى، ونىڭ ىشىندە جەر قويناۋىن پايدالانۋشىلاردىڭ عىلىمي-زەرتتەۋ، تاجىريبەلىك-كونسترۋكتورلىق جۇمىستارعا بولەتىن قاراجاتى ەسەبىنەن قارجىلاندىرۋ قاجەت ەكەنىن اتاپ ءوتتى.
ونىڭ ايتۋىنشا، اكىمدىكتەر يننوۆاسيالاردى دامىتۋ جانە ولاردى وڭىرلىك ەكونوميكاعا ەنگىزۋ ءۇشىن جاعداي جاساۋى ءتيىس.
سونىمەن قاتار وتىرىستا ۇلتتىق يننوۆاسيالىق جۇيەنىڭ «ءبىرىڭعاي تەرەزە» جوباسىن ىسكە اسىرۋ جونىندەگى جوسپار قارالدى، بۇل تاقىرىپتىق جوبالاردى مەملەكەتتىك قولداۋ شارالارى جينالاتىن ەgov ۇلگىسى بويىنشا سيفرلىق پلاتفورمانى ىسكە قوسۋدى كوزدەيدى. وعان قوسا، جۇيە سالا قاتىسۋشىلارىنا مونيتورينگ جۇرگىزۋ، قىزمەتتەرگە تاپسىرىس بەرۋ، شارتتار جاساسۋ جانە ت. ب. قىزمەتتەر بويىنشا بىر-بىرىمەن ءوزارا ءىس-قيمىل جاساۋعا مۇمكىندىك بەرەدى: مونيتورينگ جۇرگىزۋ، قىزمەتتەرگە تاپسىرىس بەرۋ، شارتتار جاساسۋ جانە ت. ب.
پرەمەر-مينيستر بۇل تاسىلدەردى قولداپ، جوبانى 2023 جىلدىڭ جازىندا پيلوتتىق رەجيمدە ىسكە قوسۋدى تاپسىردى.
بۇكىل جەكە سەكتور ءبىر الاڭدا نارىقتى تولىقتاي كورە وتىرىپ، يننوۆاسياعا سۇرانىس جاساۋعا جانە ءتيىستى تاپسىرىستار بەرۋگە مۇمكىندىك الۋى كەرەك. ەكىنشى جاعىنان، يننوۆاتورلار ءوز يدەيالارىن جۇزەگە اسىرۋدىڭ ءتيىمدى تەتىگىنە يە بولادى، — دەدى ءاليحان سمايىلوۆ.