ءقازىر قازاقستاندىق قۇراما توعىزىنشى ورىندا تۇر.
تەننيستەن قازاقستان ايەلدەر قۇراماسى الەمدىك رەيتينگىدە العاش رەت ۇزدىك وندىققا كىردى، دەپ حابارلايدى Almaty-akshamy.kz Olympic.kz cىلتەمە جاساپ.
بيللي دجين كينگ كۋبوگىنىڭ جاڭارتىلعان رەيتينگىسىندە ەل قۇراماسى 16-دان بىردەن 9-ورىنعا كوتەرىلدى. قازاقستان ۇلتتىق قۇراماسى رەسەي، گەرمانيا، يتاليا، رۋمىنيا، بەلگيا، پولشا سەكىلدى كوماندالاردى ارتقا قالدىردى. قازاقستاندىق قىزدار بيىلعى ساۋىردە ەلوردادا گەرمانيا تەننيسشىلەرىن 3:1 ەسەبىمەن تىزە بۇكتىرىپ، كوماندالىق الەم چەمپيوناتىنىڭ فينالدىق كەزەڭىنە جولداما العان بولاتىن.
الەمدىك رەيتينگىدە العاشقى ون كوماندا بىلايشا ورنالاستى: 1.اۋستراليا - 1002،71 ۇپاي؛ 2،فرانسيا - 885،6؛ 3.يسپانيا - 884،62؛ 4.چەحيا - 842،92؛ 5.شۆەيساريا - 881،81؛ 6.كانادا - 780،09؛ 7.اقش - 758،09؛ 8.سلوۆاكيا - 744،23؛ 9.قازاقستان - 704،75؛ 10.گەرمانيا - 702،52.