داۋىس بەرۋگە بار جاعداي جاسالعان

جالپىحالىقتىق رەفەرەندۋم كۇنىنە بىرەر كۇن عانا قالدى. الايدا، الماتىلىقتار اراسىندا ءتۇسىندىرۋ جۇمىستارى توقتاتىلعان جوق.

ستۋدەنت-جاستاردان باستاپ، جاسى جەتكەن قارياعا دەيىن قامتىلۋدا. سونداي ءبىر جيىن باسىنا ن.ساس اتىنداعى ورىس مەملەكەتتىك اكادەميالىق بالالار مەن جاسوسپىرىمدەر تەاترى ۇجىمى جينالدى. 50-دەن استام ادامنىڭ باسىن قوسقان شارادا سپيكەر رەتىندە ءماسليحات دەپۋتاتى الىبەك شاپەنوۆ ءسوز سويلەدى.

«بىزگە رەفەرەندۋم نە ءۇشىن قاجەت؟ بىرىنشىدەن، ءوزىڭنىڭ وتباسىڭ، تۋىپ-وسكەن قالاڭ مەن جالپى مەملەكەتتىڭ ومىرىنە ازامات رەتىندە اتسالىسۋ ءۇشىن. باز-بىرەۋلەرگە بۇل ماڭىزدى بولماۋى كەرەك، ءبىراق ەلدىڭ ساياسي تىرشىلىگى بولاشاقتا سەنىڭ ومىرىڭە ۇلكەن اسەر ەتۋى مۇمكىن. ونى بۇگىنگى حالىقارالىق گەوساياسي احۋالدان-اق كورىپ وتىرمىز. سوندىقتان ءار ادامنىڭ داۋىسى، دەموكراتياعا قاراي باسقان ادىمى ماڭىزدى!» – دەدى ءماسليحات دەپۋتاتى.

وسىلايشا دەپۋتات ءار قازاقستاندىقتىڭ تاڭداۋى ماڭىزدى ەكەنىن اتاپ ءوتىپ، جينالعان قاۋىمدى، الماتىلىقتاردى داۋىس بەرۋگە شاقىردى.

«ءبارىن قورىتىندىلاي كەلە ايتارىم، ءار قازاقستاندىقتى، اسىرەسە، تاريحتان بەلسەندىلىگىمەن تانىلعان الماتىلىقتاردى ءوز سايلاۋ ۋچاسكەسىنە بارىپ، داۋىس بەرۋگە شاقىرامىن»، –  دەپ قورىتىندىلادى ءا.شاپەنوۆ.

P.S. الماتىلىقتار ۇيىنەن شىقپاي-اق ءوز سايلاۋ ۋچاسكەسىن بىلە الادى. ول ءۇشىن mapalmaty.kz سايتىنا كىرىپ، ءجسن-دى تەرسەڭىز بولعانى.