قازاقستان جاسوسپىرىمدەر قۇراماسى ءۇشىنشى ورىن ءۇشىن باسەكەدە تايلاندپەن سىنعا ءتۇستى
قازاقستان جاسوسپىرىمدەر قۇراماسى 14 جاسقا دەيىنگى تەننيسشىلەر اراسىندا تۇڭعىش رەت الەم چەمپيوناتىنا جولداما الدى، دەپ حابارلايدى Almaty-akshamy.kz قازاقپاراتقا سىلتەمە جاساپ.
قازاقستان تەننيس فەدەراسياسى ءمالىم ەتكەنىندەي، ءۇندىستاننىڭ نيۋ-دەلي قالاسىندا وتكەن ازيا/تىنىق مۇحيت ايماعى ىرىكتەۋ تۋرنيرىندە قازاقستاندىقتار ءۇشىنشى ورىنعا يە بولدى.
قازاقستان جاسوسپىرىمدەر قۇراماسى ءۇشىنشى ورىن ءۇشىن باسەكەدە تايلاندپەن سىنعا ءتۇستى.
ءبىرىنشى ۇنايدى دامير جالعاسباي اپەردى. جاس قازاقستاندىق تەننيسشى ءبىرىنشى پارتيادا 2:6 ەسەبىمەن ەسە جىبەردى.
ەسەسىنە ەكىنشى سەتتە 1:4 ەسەبىمەن جەڭىلىپ جاتىپ، تارازى باسىن وزىنە اۋدارا ءبىلدى.
ءۇشىنشى، شەشۋشى پارتيادا ەسەپ 3:5 بولعان مەزەتتە تايلاندتىق تەننيسشىنىڭ ەكى ماچبولىن پايدالانۋىنا مۇمكىندىك بەرگەن جوق. سوسىن تاعى ءبىر برەيك جاساپ، جەڭىستى جۇلىپ الدى - 7:5.
بۇدان كەيىن زاڭعار نۇرلان ۇلى قارسىلاسىن 6:2، 6:1 ەسەبىمەن تىزە بۇكتىردى.
ەسەپ 2:0، قازاقستاننىڭ پايداسىندا.
وسىلايشا، قازاقستان جاسوسپىرىمدەر قۇراماسى العاش رەت بيىل كۇزدە وتەتىن الەم چەمپيوناتىنىڭ فينالدىق كەزەڭىنە قاتىسادى.
«Team Kazakhstan» اكادەمياسىنىڭ ديرەكتورى تيمۋر اققازييەۆ 14 جاسقا دەيىنگىلەر اراسىنداعى قۇراما كاپيتانى سەرگەي كۆاكتىڭ ءوز شاكىرتتەرىن تاجىريبەسىمەن جەڭىسكە جەتەلەي بىلگەندىگىن اتاپ ءوتتى.
ەسكە سالا كەتەيىك، بۇدان بۇرىن قازاقستاندىق تەننيسشىلەردىڭ شىمكەنت ءتۋرنيرىنىڭ فينالىنا شىققانىن جازعان بولاتىنبىز.