اپات بولعان جەردە تۇسىرىلگەن ۆيدەو الەۋمەتتىك جەلىلەردە تاراپ جاتىر
اقتاۋدا پاترۋلدىك كولىك جۇرگىزۋشىسى جول اپاتىنا ۇشىرادى. ءبىر ادام اۋرۋحاناعا جاتقىزىلدى، - دەپ حابارلايدى Almaty-akshamy.kz ماڭعىستاۋ وبلىستىق پوليسيا دەپارتامەنتىنىڭ باسپا ءسوز قىزمەتىنە سىلتەمە جاساپ.
"30 ساۋىردە تۇنگى ساعات 02.30-دا اقتاۋداعى 5، 6، 7 جانە 8ء-شى شاعىناۋدانداردىڭ قيىلىسىندا پاترۋلدىك اۆتوموبيل مەن Hyundai Accent ماركالى اۆتوكولىگى قاتىسقان جول-كولىك وقيعاسى بولدى. اپات سالدارىنان ەكى ادام وبلىستىق اۋرۋحاناعا جەتكىزىلدى. ولاردىڭ ءبىرى مەديسينالىق كومەك كورسەتىلگەننەن كەيىن ۇيىنە جىبەرىلدى، ەكىنشىسى اۋرۋحاناعا جاتقىزىلدى"، - دەپ حابارلادى دەپارتامەنت وكىلدەرى.
اپات بولعان جەردە تۇسىرىلگەن ۆيدەو الەۋمەتتىك جەلىلەردە تاراپ جاتىر.
اتالعان دەرەك بويىنشا قىلمىستىق كودەكستىڭ 345-بابى "كولىك قۇرالدارىن باسقاراتىن ادامداردىڭ جول قوزعالىسى نەمەسە كولىك قۇرالدارىن پايدالانۋ ەرەجەلەرىن بۇزۋى" بويىنشا سوتقا دەيىنگى تەرگەۋ باستالدى. اۆتوتەحنيكالىق ساراپتاما تاعايىندالدى.