قازاقستاندىق، الەمنىڭ 209-راكەتكاسى تيموفەي سكاتوۆ پارما 2 (يتاليا) چەللەندجەر ءتۋرنيرىن جەڭىسپەن باستادى، دەپ حابارلايدى Almaty-akshamy.kz قازاقپاراتقا سىلتەمە جاساپ.
وتكەن اپتادا ليسسابون جارىسىنىڭ فينالىنا دەيىن جەتىپ، سونىڭ ناتيجەسىندە الەمدىك رەيتينگىدە 233-تەن بىردەن 209-ساتىعا كوتەرىلگەن ت.سكاتوۆ ءۇشىن قاي دودانى دا تابىستى وتكىزۋ ماڭىزدى.
بۇل جولى قازاقستاندىق تەننيسشى العاشقى اينالىمدا رەيتينگتە 513-ورىنداعى يتاليالىق ستەفانو ناپوليتانومەن كورتقا شىقتى.
ت.سكاتوۆ 7:5، 6:3 ەسەبىمەن جەڭىسكە جەتتى. ول 1 ساعات 44 مينۋتقا سوزىلعان ماچ بارىسىندا ەيس جاساماعانىمەن، 7 برەيك-پوينتتىڭ بەسەۋىن پايدالانا ءبىلدى. قارسىلاسى 3 ەيس، 3 برەيكپەن كوزگە ءتۇستى.
تيموفەي سكاتوۆ شيرەك فينالعا شىعۋ ءۇشىن الەمنىڭ 128ء-ىنشى، وسى جارىستىڭ 6-راكەتكاسى، يسپانيالىق كارلوس تابەرنەر نەمەسە رەيتينگتە 463-ساتىداعى يتاليالىق فرانچەسكو ءفورتيدىڭ بىرەۋىمەن تالاسادى.
ەسكە سالا كەتەيىك، بۇدان بۇرىن ەلەنا رىباكينانىڭ چەحيادا الەمنىڭ 17-راكەتكاسىن جەڭگەنىن جازعان بولاتىنبىز.
سونداي-اق Astana Open ATP 500 تۋرنيرىندە الەمنىڭ ءبىرىنشى راكەتكاسى جەڭىلىپ قالدى.
كارەن حاچانوۆ استاناعا تەننيس جۇلدىزدارى جينالعانىن ايتتى.