جينالعان قارجى 25 ميلليون تەڭگەدەن اسادى
ۇلتتىق قاۋىپسىزدىك كوميتەتى قوستاناي وبلىسىنداعى ورتتەن زارداپ شەككەندەرگە ەرىكتى تۇردە ماتەريالدىق كومەك جينادى، دەپ حابارلايدى Almaty-akshamy.kz.
ق ر ۇقك باسپا ءسوز قىزمەتىنىڭ مالىمەتىنشە، جينالعان قارجى 25 ميلليون تەڭگەدەن اسادى. بۇل قوماقتى اقشا "قايىرىمدىلىق KZ" قوعامدىق قورىنىڭ ارنايى قۇرىلعان ەسەپشوتىنا اۋدارىلدى.
2 قىركۇيەكتە قوستاناي وبلىسىنداعى "باسامان ورمان شارۋاشىلىعى مەكەمەسى" كمم-عا قاراستى ەكى ورمانشىلىعى اۋماعىندا ءورت بولدى. قىزىل جالىن جالماعان اۋماق 4 قىركۇيەكتە 43 مىڭ گەكتاردان استى. بىرنەشە اۋىل تۇرعىندارى ەۆاكۋاسيالاندى. ءورت سالدارىنان 12 ادام زارداپ شەكتى، بىرەۋى قازا تاپتى. توتەنشە جاعدايعا بايلانىستى وڭىرگە جۇمىس ساپارىمەن پرەزيدەنت قاسىم-جومارت توقايەۆ بارىپ، اۋليەكول اۋدانىنداعى تابيعي ورتتەردى جويۋ بويىنشا جۇمىستاردىڭ بارىسىنا باعا بەردى.
7 قىركۇيەكتە ساعات 15:00-دە ق ر تجم باسشىسى يۋريي يلين قوستاناي وبلىسىنىڭ اۋليەكول اۋدانىنداعى تابيعي ورتتەر وقشاۋلانعانىن مالىمدەدى.