تەننيسشى جىبەك قۇلامبايەۆا الماتى ءتۋرنيرىنىڭ فينالىنا جولداما الدى

ءتۋرنيردى ءساتتى وتكىزىپ جاتىر.

قازاقستاندىق تەننيسشى جىبەك قۇلامبايەۆا الماتى ITF W25 ءتۋرنيرىن ءساتتى وتكىزىپ جاتىر، دەپ حابارلايدى Almaty-akshamy.kz قازاقپاراتقا سىلتەمە جاساپ.

قازاقستان تەننيس فەدەراسياسىنان ءمالىم ەتكەندەي، جىبەك قۇلامبايەۆا جەكەلەي سىندا شيرەك فينالدا رەسەيلىك اناستاسيا زولوتاريەۆانى تاس-تالقان ەتتى – 6:0، 6:4.
جىبەك فينالعا شىعۋ ءۇشىن بەلارۋس وكىلى داريا حومۋتيانسكايامەن تالاسادى.

جىبەك قۇلامبايەۆا سونداي-اق جۇپتىق سىندا رەسەيلىك ەكاتەرينا ياشينامەن بىرگە فينالعا شىقتى.
قازاقستاندىق-رەسەيلىك جۇپ جارتىلاي فينالدا ءۇندىستاندىقتار چاۋدحاري ۆايدەحي – شريۆالي ءبحاماديپاتيدى تىزە بۇكتىردى – 6:4، 3:6، 10:7.

سوڭعى باسەكەدە ج.قۇلامبايەۆا مەن ە.ياشينا رەسەيلىكتەر امينا انشبا – سوفيا لانسەرە نەمەسە ەكاتەرينا ماكلاكوۆا – الەكساندرا پوسپەلوۆا جۇپتارىنىڭ قاي جەڭگەنىمەن باس جۇلدەنى ساراپقا سالادى.

ەسكە سالا كەتەيىك، بۇدان بۇرىن اقش اشىق چەمپيوناتىندا اننا دانيلينانىڭ ەكىنشى اينالىمعا شىققانىن جازعان بولاتىنبىز.
سونداي-اق قازاقستاندىق ەكى تەننيسشى يسپانياداعى جارىستىڭ شيرەك فينالىنا ءوتتى.

تەننيسشى بەيبىت جۋكايەۆ تايلاندتاعى جارىستىڭ جارتىلاي فينالىنا شىقتى.