«بالالار فيلارمونياسى» اتتى جاڭا جوبا ىسكە قوسىلادى

«بالالار جىلى» اياسىندا «قازاقكونسەرت» قابىرعاسىندا كەشەندى جاڭا جوبا - «بالالار فيلارمونياسى» اتتى وقۋشىلار ابونەمەنتى ىسكە قوسىلدى.

جوبانىڭ نەگىزى ماقساتى - جاس دارىنداردى ونەر الەمىندە ۇيلەسىمدى دامىتىپ، سۇلۋلىق پەن ادەمىلىكتى دۇرىس ۇعىنۋعا جەتەلەپ، ولاردا سەزىم بايلىعىن قالىپتاستىرۋعا تۇرتكى بولۋ، دەپ حابارلايدى Almaty-akshamy.kz.

جوبا اياسىندا ۇيىمىمىزدىڭ شىعارماشىق ۇجىمدارى دارىس-كونسەرتتەردى ۇسىنا وتىرىپ، ونەرىمەن توپ جارعان مايتالماندارىمىز جاس مامانداردى دايارلاۋدا وزدەرىنىڭ كاسىبي شەبەرلىكتەرىمەن بولىسەدى.

اتاپ ايتساق، «قازاقتىڭ مۋزىكالىق اسپاپتارى»، «كلاسسيكالىق مۋزىكالىق اسپاپتار»، «ميۋزيكل دەگەنىمىز نە؟»، «دومبىراداعى ورىنداۋشىلىق  مەكتەپتەر» اتتى دارىس-كونسەرتتەر، سونداي-اق ۆوكالدىق، اكتەرلىك، بي سەكىلدى سۇڭعات ونەردىڭ تۇرلەرى بويىنشا شەبەرلىك ساباقتارى ۇيىمداستىرىلادى.

سونىمەن قاتار جوبا ابونەمەنتىن پايدالانۋشى «قازاقكونسەرتتىڭ» ۇيىمداستىرۋىمەن وتەتىن وتاندىق كينوكورسەتىلىمدەر مەن تاڭدامالى كونسەرتتەردى تاماشالاي الادى.

«بالالار فيلارمونياسى» جوباسى بيىلعى جىلدىڭ قىركۇيەك-جەلتوقسان ايلارىندا ءار سەنبىدە ساعات 12.00-دە وتەدى.