قازاقستاندىق تەننيسشى رەسەيلىك ارىپتەسىمەن كەزدەستى.
قازاقستاندىق بەيبىت جۋكايەۆ نونتابۋريدە (تايلاند) ءوتىپ جاتقان ATP Challenger Tour Bangkok Open 3 ءتۋرنيرىن جەڭىسپەن باستادى، دەپ حابارلايدى Almaty-akshamy.kz قازاقپاراتقا سىلتەمە جاساپ.
دۇنيەجۇزىلىك رەيتينگتە 395-ورىندا تۇرعان ب.جۋكايەۆ العاشقى اينالىمدا الەمنىڭ 331-راكەتكاسى، قازاقستان پرەزيدەنتى كۋبوگىنىڭ ءۇش دۇركىن چەمپيونى، رەسەيلىك ەۆگەنيي دونسكويمەن كەزدەستى.
قازاقستاندىق تەننيسشى تارتىستى ماچتا 7:6 (7:4)، 7:6 (7:4) ەسەبىمەن جەڭىسكە جەتتى.
ەكى ساعاتتان ءسال استام ۋاقىتقا سوزىلعان باسەكە بارىسىندا جۋكايەۆ 7 ەيس جاساپ، 8 برەيك-پوينتتىڭ ەكەۋىن پايدالاندى. قارسىلاسى 9 ەيس، 2 برەيكپەن (6 برەيك-پوينت) كوزگە ءتۇستى.
اقتاۋ تەننيس مەكتەبىنىڭ تۇلەگى شيرەك فينالعا شىعۋ ءۇشىن الەمنىڭ 242ء-ىنشى، جارىستىڭ 1-راكەتكاسى، جاپونيالىق ەسۋكە ۆاتانۋكيمەن تالاسادى.
تاعى ءبىر قازاقستاندىق، الەمنىڭ 250-راكەتكاسى تيموفەي سكاتوۆ سيەۆيليا (يسپانيا) چەللەندجەر دوداسىنىڭ ەكىنشى اينالىمىنا شىقتى. ول باستاپقى كەزدەسۋىندە الەمنىڭ 208-راكەتكاسى، يتاليالىق راۋل برانكاچچيونى 6:4، 6:4 ەسەبىمەن تىزە بۇكتىردى.
ت.سكاتوۆ دۇنيەجۇزىلىك رەيتينگتە 408-ساتىدا تۇرعان يسپانيالىق حاۆەر كوسانو باررانكومەن شيرەك فينال جولداماسىن ساراپقا سالادى.
ەسكە سالا كەتەيىك، بۇدان بۇرىن توپ-10-عا كىرەتىن بەس تەننيسشىنىڭ Astana Open ATP 500 تۋرنيرىندە ونەر كورسەتەتىنىن جازعان بولاتىنبىز.