بىرەگەي باعدارلاما ۇسىنىلادى.
الماتىدا شوقان ءۋاليحانوۆ اتىنداعى سكۆەردە (شيەۆچەنكو جانە قونايەۆ كوشەلەرىنىڭ قيىلىسى) اشىق اسپان استىندا وركەسترلەر فەستيۆالى وتەدى. كىرۋ – تەگىن، دەپ حابارلايدى Almaty-akshamy.kz.
7 قىركۇيەكتە ساعات 20.00-دە بىردەن ءۇش مۋزىكالىق جانردى: قازاق فولكلورلىق، سيمفونيالىق جانە ەلەكتروندىق مۋزىكانى بىرىكتىرەتىن بىرەگەي باعدارلاما ۇسىنىلادى. ءبىر ساحنادا «سازگەن سازى» فولكلورلىق-ەتنوگرافيالىق ءانسامبلى جانە DJ PUZA-مەن بىرگە مەملەكەتتىك سيمفونيالىق وركەستر ونەر كورسەتەدى. باعدارلامادا قازاق، قازاقستاندىق جانە ەۋروپالىق سيمفونيالىق زاماناۋي مۋزىكالاردىڭ جەكە جانە بىرلەسكەن شىعارمالارى ورىندالادى.
8 قىركۇيەكتە ساعات 20.00-دە قازاقستاننىڭ ەڭبەك سىڭىرگەن قايراتكەرى الەكساندر بەلياكوۆتىڭ باسقارۋىمەن Aljazz simphony ەسترادالىق-سيمفونيالىق وركەسترىنىڭ جانە قازاقستاننىڭ ەڭبەك سىڭىرگەن قايراتكەرى قانات احمەتوۆتىڭ باسقارۋىنداعى ق ر مەملەكەتتىك الماتىلىق ۇرمەلى وركەسترلەرىنىڭ سۇيەمەلدەۋىمەن روك جانرىنداعى باعدارلاما كورەرمەن نازارىنا ۇسىنىلادى. كونسەرتكە Urker، Aldaspan، Lamp Orchestra سەكىلدى قازاقستاننىڭ اتاقتى روك-توپتارى قاتىسادى. The Beatles، Queen، كينو، Scorpions، Status Quo، Aerosmith سىندى روك جانرىنىڭ الەمدىك حيتتەرى، سونىمەن قاتار قازاقستاندىق روك-توپتاردىڭ حيتتەرى شىرقالادى.