90-جىلدارى گەرمانيادا قالعان قازاق تانكيسى نارتاي تۋرالى فيلم رەسەيدە «ماريەنپلاستاعى ورىستار» دەگەن اتاۋمەن كورسەتىلەدى.
پروديۋسەرى گۇلنار سارسەنوۆانىڭ ايتۋىنشا، ەۋروپادا بۇل كارتينانى جىلى قابىلدادى. رەسەي كورەرمەندەرىنىڭ دە كوڭىلىنەن شىعادى دەگەن ۇمىتتە.
«فيلم ءبىر جارىم مىڭ ەكراندا كورسەتىلەدى. بۇل قازاقستانداعىدان 5 ەسە كوپ. رەسەي كورەرمەنى ونى اسىعا كۇتىپ وتىر. كومەديا ەمەس، ادامدى ويلاندىراتىن دراما. بۇل مەن تۇسىرگەن پاتريوتتىق العاشقى فيلم»،- دەيدى پروديۋسسەر گۇلنار سارسەنوۆا.
يانا سكوپينا تۇسىرگەن «جاقىندا جاز بىتەدى» ءفيلمىنىڭ جەلىسى كوپ ۇلتتىڭ وكىلى تۇراتىن اۋلانىڭ تىنىسىمەن ءوربيدى.
«العاشقى قاراجاتتى قازاقستاننان الدىق. رەسەي مادەنيەت مينيسترلىگى دە قارجىسىن قوسىپ، ەكى ەلدىڭ بىرلەسكەن ءونىمى شىقتى. 90-جىلدارداعى ءبىر بالانىڭ حيكاياسى جەلىسىمەن تۇسىرىلگەن. سول كەزدە بارشا جۇرت كاشپيروۆسكيي، چۋماككا قۇمار بولاتىن. باس كەيىپكەرى دە گيپنوزبەن اينالىسقان. كەڭەس وداعى ىدىراۋى الدىنداعى جانە كەيىپكەردىڭ دە بالالىق شاعىنىڭ سوڭعى جازى بەينەلەنەدى»،- دەيدى رەجيسسەر يانا سكوپينا.
قازاقستاندىق فيلمدەردىڭ رەسەيدەگى تۇساۋكەسەرى ماسكەۋ حالىقارالىق كينوفەستيۆال اياسىندا ءوتتى.
«نارتاي» رەسەيدە پروكاتقا قىركۇيەك ايىنىڭ ورتاسىندا، ال «جاقىندا جاز بىتەدى» ءفيلمى قازان ايىنىڭ سوڭىندا شىعادى. كەزىندە جەرگىلىكتى كينوتەاترلار كونتەنتىنىڭ 80 پروسەنتىن قۇراعان گولليۆۋدتىك فيلمدەر رەسەيگە ساتىلمايتىن بولدى. سونىڭ ارقاسىندا قازاق ستۋديالارىنىڭ تۋىندىلارىنا بۇل ەلدىڭ ەكراندارىنا جول اشىلدى.