مەملەكەت باسشىسى گازدى ەكسپورتتاۋعا قاراعاندا، ىشكى قاجەتتىلىكتى قامتاماسىز ەتۋگە باسا ءمان بەرۋ كەرەكتىگىن ايتقان
«تەڭىزشيەۆرويل» كومپانياسى وندىرىلەتىن بارلىق گازدى قازاقستاننىڭ ىشكى نارىعىنا جەتكىزۋدى جوسپارلاپ وتىر، دەپ حابارلايدى Almaty-akshamy.kz قازاقپاراتقا سىلتەمە جاساپ.
«وندىرىلەتىن بارلىق تاۋارلىق گاز ەندى ىشكى نارىققا باعىتتالادى. ياعني ءبىز گازدى ءبىر وپەراتورعا – «QazaqGaz» اق جەتكىزەمىز. ءقازىردىڭ وزىندە وندىرگەن گازدىڭ بارلىعىن سولارعا جونەلتىپ جاتىرمىز. ءبىز ەكسپورتتاۋدى جوسپارلاپ وتىرعان جوقپىز»، - دەدى تشو-نىڭ ۇكىمەتپەن جانە جۇرتشىلىقپەن بايلانىس ءبولىمىنىڭ باس مەنەدجەرى دارمەن ارونوۆ.
ەسكە سالايىق، بىلتىر مەملەكەت باسشىسى گازدى ەكسپورتتاۋعا قاراعاندا، ىشكى قاجەتتىلىكتى قامتاماسىز ەتۋگە باسا ءمان بەرۋ كەرەكتىگىن ايتىپ، ۇكىمەتتەن تەڭىز كەن ورنى اكسيونەرلەرىمەن بىرلەسىپ 2 ملرد تەكشە مەتر گازدى ەكسپورتتان ىشكى نارىققا باعىتتاۋ ماسەلەسىن پىسىقتاۋدى تاپسىرعان بولاتىن.
بۇعان دەيىن تشو-نىڭ باس ديرەكتورى كيەۆين لايون 2022 جىلى «تەڭىزشيەۆرويل» ج ش س 30 ملن-عا جۋىق توننا شيكى مۇناي وندىرگەنى تۋرالى ايتقان بولاتىن.