قالامگەر وسى ەڭبەكتى جازۋعا ەكى جىل تەر توككەن
تالدىقورعاندا وڭىرلىك كوممۋنيكاسيالار الاڭىندا بۇقارالىق اقپارات وكىلدەرىنە "ءداستۇر دانالىعى" كىتابى تانىستىرىلدى، دەپ حابارلايدى Almaty-akshamy.kz.
كىتاپتىڭ اۆتورى - جەتىسۋ وبلىسىنىڭ دەنساۋلىق ساقتاۋ باسقارماسىنىڭ باسپا ءسوز حاتشىسى، جۋرناليست، جازۋشى ءلايلىم اۋباكىروۆا. قالامگەر وسى ەڭبەكتى جازۋعا ەكى جىل تەر توككەنىن ايتتى. بۇگىندە ونىڭ 3000 داناسى شىقتى.
كىتاپتا، نەگىزىنەن، قازاق حالقى ءۇشىن رۋحاني قۇندىلىقتىڭ باستاۋى بولعان ءسالت-داستۇر مەن ادەت-عۇرىپتىڭ بۇگىنگى قوعامداعى ءرولى مەن ماڭىزدىلىعى تۋرالى ايتىلعان. وندا بالا تاربيەسىنەن باستاپ، وتباسىلىق، دوستىق، اعايىندىق قارىم-قاتىناستىڭ دۇرىس قالىپتاسۋىنا ارقاۋ بولعان قازاقتىڭ سالت-داستۇرلەرى مەن ادەت-عۇرىپتارى كورىنىس تاپقان.
«ايتۋلى ەتنوگرافتاردىڭ جيناقتارى مەن كىتاپتارىن نەگىزگە الىپ، زەرتتەۋشىلەردىڭ پىكىرىنە سۇيەنىپ، ءسالت-داستۇردىڭ وزىق تۇرلەرىنىڭ قازىرگى زاماندا ۇرپاق تاربيەسىنە اسەرى، سونداي-اق، قوعامدا تۋىنداعان ماسەلەلەر مەن ونى شەشۋ جولدارى تالداندى. جالپى قازاق داستۇرىنەن حالىقتىڭ مىنەز-قۇلقىن، بولمىسى مەن دۇنيەتانىمىن، مادەنيەتى، ءتىلى مەن ءدىنىن، ءومىر ءسۇرۋ جولىن بايقاۋعا بولادى. سوندىقتان جالپى قاۋىمعا ۇلتتىڭ التىن دىڭگەگى – قۇندىلىعىن، تاربيەلىك ءتۇپ-تامىرىن ءتۇسىندىرۋ، دارىپتەۋ ماقساتىندا ۇسىنىلعان كىتاپ دەپ ايتا الامىن»، – دەپ اتاپ ءوتتى ل.احمەتجان قىزى.
جاڭا كىتاپ وبلىستىڭ بارلىق نەگىزگى كىتاپحانالارىنا جەتكىزىلدى. سونداي-اق كىتاپسۇيەر وقىرمان "ءداستۇر دانالىعىن" ەلەكتروندى فورماتتا دا وقي الادى. ول ءۇشىن Google ىزدەۋ جۇيەسىندە كىتاپتىڭ اتىن تەرۋ جەتكىلىكتى.